Alisher Abdusalomov 29-avgust kuni O‘zbekistonning Janubiy Koreyadagi yangi elchisi sifatida ish boshladi.
![](/static/2024/08/29/photo_2024-08-29_15-46-07-2lGByDQl.jpg)
“Dunyo” axborot agentligining xabar qilishicha, u Seulga tayinlanishidan avval Oliy Majlis Senati raisi kotibiyatiga rahbarlik qilgan.
Diplomat 40 yoshda. Toshkentdagi Xalqaro Vestminster universiteti va Janubiy Koreyaning Kyong-Xi universitetini bitirgan.
Alisher Abdusalomov kasbiy faoliyatini O‘zbekiston Investitsiyalar va tashqi savdo vazirligida (hozirgi Investitsiyalar, sanoat va savdo vazirligi) boshlab, yetakchi mutaxassislikdan bosh boshqarma boshlig‘igacha bo‘lgan lavozimlarda faoliyat yuritgan.
2013—2016-yillarda O‘zbekistonning Yaponiyadagi elchixonasida savdo-iqtisodiy masalalar bo‘yicha maslahatchi, 2018—2024-yillarda esa Janubiy Koreyada ham ushbu lavozimda ishlagan.
Alisher Abdusalomov 1995-yildan 2024-yilgacha qisqa tanaffus bilan O‘zbekistonning Seuldagi elchixonasiga rahbarlik qilgan Vitaliy Fen o‘rniga tayinlandi. U iyun oyida 77 yoshida vafot etgandi.
Iyun oyida Von Do Yon Janubiy Koreyaning O‘zbekistondagi yangi elchisi etib tayinlangandi.
Izoh (0)