Indoneziya qirg‘oqlari yaqinida bortida 280 kishi bo‘lgan KM Barcelona va yo‘lovchi paromi yonib ketdi. Yo‘lovchilarning ko‘pi vahimaga tushib, dengizga sakradi. Bu haqda CNA xabar berdi.
Kema 20-iyul kuni Talaud okrugi portidan Manado portiga yo‘l olayotgan bo‘lgan. Biroq Talise oroli yaqinidagi suv hududida unda yong‘in chiqqan. Kemada quyuq qora tutun chiqa boshlagach, bortda vahima ko‘tarilgan. Yo‘lovchilarning aksariyati paromdan sakrashga majbur bo‘lgan.
Hodisa oqibatida to‘rt kishi halok bo‘lgani aytilmoqda. Biroq ularning soni ortishi mumkin. Qidiruv-qutqaruv operatsiyasi davom etmoqda. Qutqaruv ishlariga ikkita kema, bir nechta qayiq va boshqa texnikalar jalb qilingan. Mahalliy baliqchilar ham qutqaruv ishlarida faol ishtirok etmoqda.
Evakuatsiya ayni paytda davom etmoqda. Bu jarayonda harbiy-dengiz kuchlari, Milliy qidiruv va qutqaruv agentligi, Sohil qo‘riqlash xizmati va atrofdagi mahalliy baliqchilardan iborat guruhlar jalb qilingan, deydi hodisa yuz beragan Shimoliy Sulavesi provinsiyasi favqulodda vaziyatlar boshqarmasi kotibi Jerri Harmonsin.
Izoh (0)