Toshkent viloyatidagi eng katta muzlik shiddat bilan erimoqda — Gidrometeorologiya ilmiy tadqiqot instituti

Gidrometeorologiya ilmiy tadqiqot instituti, Germaniya yer tadqiqotlari ilmiy markazi hamda Yashil Markaziy Osiyo tashabbusi loyihalari asosida Toshkent viloyatidagi eng katta muzlik Paxtakor muzligiga navbatdagi ekspeditsiya oshirildi. Bu haqida Gidrometeorologiya ilmiy tadqiqot instituti xabar bermoqda.

Iqlimshunos olim Erkin Abdulahatovning eslatishicha, Paxtakor muzligiga dastlabki ekspeditsiya o‘tgan 2023-yil yozida amalga oshirilgan bo‘lib, o‘shanda tadqiqotchilar muzlik “tiliga” 3 metrli qoziq burg‘ilab o‘rnatib kelishgan edi.

Joriy ekspeditsiyada esa qoziq muzlikdan ajralib qolgan. Chunki, muzlik bir yil ichida 20 metr ortga chekinib, muz “tili” 3 metrgacha erib tugagan. Tadqiqotchilar qimmatli meteostansiya ma’lumotlarini olishdi, deydi iqlimshunos.

Paxtakor muzligi — Toshkent viloyatining borish qiyin bo‘lgan Oygaing qor ko‘chki meteorologik stansiyasidan (bu obyektdan keyin hech qanday bino obyekti mavjud emas) naq 35 km uzoqda, viqorli tog‘lar orasida yastangan bo‘lib, muzlikka ekspeditsiya a’zolari naq 2 sutkada piyoda yetib borishgan.