Global davlat qarzining o‘sish tendensiyasi 2024-yilda ham davom etib, 102 trillion dollarga yetdi. Bu 2023-yilga nisbatan 5 trillion dollarga ko‘p. BMTning Savdo va taraqqiyot bo‘yicha konferensiyasi sabablarni tushuntirdi.
UNCTAD hisobotiga ko‘ra, global davlat qarzining tez sur’atlarda o‘sishi ketma-ket yuzaga kelgan inqirozlar hamda sust va notekis rivojlanayotgan jahon iqtisodiyoti bilan izohlanadi.
Hisobotda qarz tarkibi va dinamikasi bo‘yicha hududlar o‘rtasida sezilarli tafovutlar borligi qayd etilgan. Xususan, rivojlanayotgan mamlakatlarda davlat qarzining nominal qiymati rivojlangan mamlakatlarga qaraganda ikki baravar tez o‘smoqda. Shunga qaramay, global davlat qarzining 69 foizi hali ham rivojlangan mamlakatlar hissasiga to‘g‘ri keladi.
Eng ko‘p davlat qarziga ega davlatlar ro‘yxatida AQSH peshqadamlikni qo‘ldan boy bermayapti. World Population Review portaliga ko‘ra, Qo‘shma Shtatlarning umumiy qarzi 32,8 trln dollarni tashkil etadi. Keyingi o‘rinni esa 15 trln dollar bilan Xitoy band etgan.
Izoh (0)