Guliston—Bo‘ka—Angren—Qo‘qon va Andijon orqali O‘sh avtomobil yo‘lida yuk mashinasi ishtirokida yo‘l-transport hodisasi sodir bo‘ldi. Bu haqda “Qamchiqavtoyo‘l” xabar berdi.
Qayd etilishicha, 14-iyul kuni soat 18:00 da Toshkent—Vodiy yo‘nalishida harakatlanib kelayotgan Isuzu rusumli yuk avtotransport vositasi boshqaruvni yo‘qotib, yo‘l o‘rtasidagi temir to‘siqqa urilgan va transport vositasida yong‘in sodir bo‘lgan.
Hamkor tashkilotlar bilan birgalikda yo‘l transport hodisasi natijasida yong‘in chiqqan yuk avtotransport vositasidagi yong‘in bartaraf etilgan. Tan jarohati olganlar yo‘q. “Avtotransport vositalari ikki tomonlama xavfsiz harakatlanmoqda”, — deyiladi xabarda.
Avvalroq Samarqandda uchta mashina ishtirokida YTH sodir bo‘lgani, ulardan biri yonib ketgani to‘g‘risida xabar berilgandi. Undan oldinroq esa Samarqandda pastlikka tushib ketgan yuk mashinasida yong‘in chiqqan edi.
Izoh (0)