Jizzax viloyati, Sharof Rashidov tumani, “Bo‘ston” MFY hududidan o‘tgan Jizzax—Chimqo‘rg‘on 4R-36 avtomobil yo‘lining 5 km da YTH sodir bo‘ldi. Bu haqda Jizzax viloyati YHXB axborot xizmati xabar berdi.
Maʼlum qilinishicha, Zafarobod tumanida yashovchi 2000-yilda tug‘ilgan haydovchi Nexia-1 avtomashinasini Jizzax—Zafarobod yo‘nalishi bo‘ylab boshqarib ketayotgan vaqtda, qarama-qarshi yo‘nalishda harakatlanib kelayotgan, Sharof Rashidov tumanida yashovchi 1987-yilda tug‘ilgan haydovchi boshqaruvida bo‘lgan Damas avtomashinasining yo‘nalishiga chiqib ketgan.
Hodisa oqibatida Damas haydovchisi olgan tan jarohatlari bilan shifoxonaning jonlantirish bo‘limiga yotqizilgan.
Hozirda YTH yuzasidan Sharof Rashidov tumani IIB tergov bo‘limi tomonidan surishtiruv ishlari olib borilmoqda.
Izoh (0)