Isroil 3-iyun kuni Suriyaga tegishli qurollarga zarba berganini ma’lum qildi. Bu haqda BBC xabar berdi.
“Isroilning Suriya janubiga bergan zarbalari oqibatida ko‘plab insonlar halok bo‘lib, moddiy yo‘qotishlarga olib keldi. Isroil mintaqani beqarorlashtirishga urinmoqda. Bu keskinlashuv Suriya suverenitetining ochiqdan ochiq buzilishini anglatadi”, dedi Suriya tashqi ishlar vazirligi.
Isroil mudofaa vaziri Israel Kats yahudiy davlatiga uchirilgan snaryadlar uchun mas’uliyatni Suriya prezidenti Ahmad ash-Shara’aga yuklaganini aytgan. Ikki davlat o‘rtasidagi keskinlikni yumshatish bo‘yicha so‘nggi bilvosita muzokaralarga qaramay, Isroil Suriyaga hujumlarni kuchaytirgan.
“Shiddatli portlashlar Suriya janubida, xususan, al-Qunaytra shahri va Deraa viloyatida sodir bo‘ldi”, dedi Buyuk Britaniyada joylashgan Suriya inson huquqlari observatoriyasi kuzatuv guruhi.
Ushbu zarbalar oqibatida qancha odam halok bo‘lgani yoki yaralangani noma’lum. Asad rejimi ag‘darilganda, Isroil Suriya harbiy infratuzilmasini buzish uchun hujumlar to‘lqinini boshlagandi. May oyida AQSH prezidenti Donald Tramp 13 yillik fuqarolik urushi davrida Asadga sodiq kuchlar tomonidan sodir etilgan vahshiyliklarga javoban Suriyaga nisbatan o‘n yillik sanksiyalarni bekor qilish rejalarini e’lon qilgandi.
Izoh (0)