Ijtimoiy tarmoqlarda Toshkent shahar Yunosobod tumanini suv bosgani aytilgan videolar tarqaldi. “Toshkent shahar suv taʼminoti” holat bo‘yicha maʼlumot berdi.
Unga ko‘ra, Yunusobod tumani, Moyqo‘rg‘on ko‘chasi va Qoraqamish ko‘chalari kesishmasida d1200mm katta suv o‘tkazgich tarmoqda nosozlik vujudga keldi. Shu sababli, Tiklanish mahallasi 1, 2, 3, 4, 5, 6 tor ko‘chalari, G‘ishtqo‘rg‘on ko‘chalari, “Astrabod” mahallasi, Turkiston, “Sobirobod” mahallalarida, Zenit zavodi, Prokuratura akademiyasi, Pivo zavodida suv taʼminoti vaqtincha to‘xtatiladi.
Shu bilan birga ushbu hududda joylashgan muassasa, korxona va tashkilotlarda ham suv bo‘lmaydi. Tezkor avariya jamoalari nosozlikni bartaraf etish choralarini ko‘rmoqda.
Suvsiz qolgan manzillarga maxsus texnikalarda suv yetkaziladi.
Izoh (0)