Isroil armiyasi 2-iyun kuni Yamandan uchirilgan raketani urib tushirdi. Bu haqda Arab News xabar berdi.
“Isroil hududlarida yangragan sirenalardan so‘ng Yamandan uchirilgan raketa urib tushirildi”, deyiladi armiya bayonotida.
Husiylarning harbiy vakili Yahyo Sari videomurojaatida guruhning raketa kuchlari Tel-Aviv yaqinidagi Ben Gurion xalqaro aeroportiga qarshi harbiy amaliyot o‘tkazganini tan olgan.
Yamanning husiylari 2023-yil oktabrida HAMAS Isroilga qarshi urush boshlagandan beri yahudiy davlatiga bir necha bor raketa va dronlar uchirgan. Falastinliklar bilan birdamlikda harakat qilayotgani aytilgan husiylar G‘azoda o‘t ochish sulhi tugaganidan beri qayta harbiy harakatlar boshlagan.
Raketalarning aksariyati urib tushirilgan bo‘lsa-da, may oyida ulardan biri Ben Gurion aeroporti hududiga qulagan. Isroil bu hujumlarga javoban Yamanga bir nechta jumladan, poytaxt Sanadagi port va aeroportlarga zarba bergan.
Izoh (0)