Andijonda jihodchilarning yashirin jamoati faoliyatiga chek qo‘yildi, deb xabar bermoqda viloyat IIB.
Keltirilishicha, may oyida huquqni muhofaza qiluvchi organlar tomonidan olib borilgan tadbirlar davomida jihodchilar diniy ekstremistik oqimining yashirin jamoati faoliyati aniqlandi.
Jamoat yetakchisi Andijon shahrida yashovchi 1981-yilda tug‘ilgan U.A. o‘z atrofiga 12 nafar shaxsni yig‘ib, jamoat tashkil etgan holda shahridagi turli choyxonalarda to‘planib, kelgusida Suriyadagi “Tavhid va jihod katibasi” xalqaro terrorchilik tashkilotiga qo‘shilmoqchi bo‘lgan. Shuningdek, o‘zaro “Baytulmol” ko‘rinishida pul mablag‘lari yig‘ib, o‘z tarafdorlariga berib kelgani ma’lum bo‘ldi.
Jamoat a’zolarining xonadonlarida o‘tkazilgan tintuv tergov harakatlari davomida turli diniy ekstremistik adabiyotlar va boshqa ashyoviy dalillar olindi.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, hozirda tergov harakatlari olib borilmoqda.
Suriyadagi jangovar harakatlarda ishtirok etib kelayotgan andijonlik 42 yoshli erkak qidirilmoqda. Shuningdek, Suriyadagi terrorchilik tashkiloti aʼzosi bo‘lgan andijonlik erkakka ham qidiruv e’lon qilingan.
Izoh (0)