AQSHda ishlab chiqarilgan iPhone’lar narxi 3500 dollargacha yetishi mumkin. Bu haqda amaerikalik taxlilchi Den Ivesga tayanib CNN xabar berdi.
Tahlilchi Wedbush Securities moliyaviy xizmatlar firmasining texnologiya tadqiqotlar global rahbari hisoblanadi. U iPhone’ni AQSHda ishlab chiqarish Osiyodagi arzon ishchi kuchidan ancha qimmatga tushishini aytmoqda.
“Ta’minot zanjiri elektron qurilmalar ishlab chiqariladigan G‘arbiy Virjiniya va Nyu Jersidagi fabrikalarda qurilsa, iPhone narxi 3,5 ming dollarga yetadi. Shunda ham Apple’ga ta’minot zanjirining atigi 10 foizini AQSHga ko‘chirish uchun taxminan 30 milliard dollar va 3 yil kerak bo‘ladi”, dedi Ives.
Uning qo‘shimcha qilishicha, iPhone ishlab chiqarishining qariyb 90 foizi Xitoyda amalga oshiriladi. Smartfon qismlarini ishlab chiqarish va yig‘ish o‘nlab yillar oldin Osiyoga ko‘chirilgan. Bu harakat Apple’ni dunyodagi eng qimmat kompaniyalardan biriga aylantirishga va smartfonlar ishlab chiqaruvchi yetakchi bo‘lishiga olib kelgan. Qo‘shma Shtatlar prezidenti Donald Trampning inauguratsiyasidan beri Apple aksiyalari 14 foizdan ko‘prog‘ini yo‘qotdi.
Smartfonlarni quvvatlantiruvchi chiplar asosan Tayvanda, ekran panellari Janubiy Koreyada, ba’zi boshqa komponentlar esa Xitoyda ishlab chiqariladi. Yakuniy yig‘ish asosan AQSHda amalga oshiriladi.
Apple bosh direktori Tim Kuk Shtatlarga kelayotgan iPhone’larning ko‘pchiligi endi Hindistondan yetkazib berilishini va tariflar bu chorakda Apple xarajatlariga 900 million dollar qo‘shishi mumkinligini aytgan edi.
“Men Tim Kukkdan iPhone’lar Hindiston yoki boshqa joyda emas, balki Amerika Qo‘shma Shtatlarida ishlab chiqarilishini so‘raganman. Talabim qondirilmasa, Apple AQSHga kamida 25 foiz miqdorda boj to‘laydi”, deb yozgan Tramp Truth Social ijtimoiy tarmog‘ida.
Izoh (0)