Apple kompaniyasi 2024-yil 7-may kuni o‘zining yangilangan iPad Air va iPad Pro, Pencil Pro va Magic Keyboard taqdimotini o‘tkazdi. Translyatsiya kompaniyaning YouTube kanalida olib borildi. Gadjetlar 15-maydan sotuvga chiqarilishi ma’lum qilingan.
iPad Air
To‘rt rangda taqdim etilgan iPad Air M2 chipiga ega bo‘lib, avvalgi avlodiga qaraganda 50 foiz tezroq ishlaydi. Xotirasining hajmi 128 GB dan 1 TB gacha. U ikki o‘lchamda —11 va 13 dyuymda ishlab chiqarildi.
iPad Pro
Ushbu qurilma ham ikki xil (11 va 13 dyuym) o‘lchamda va ikkita rangdadir. Planshet sun’iy intellekt bilan ishlay olishi uchun unga M4 chipi o‘rnatilgan. Yangi iPad Pro topshiriqlarni avvalgi planshetlarga qaraganda to‘rt baravar tezroq bajara oladi. Uning standart xotira hajmi 256 GB, maksimali 2 TBni tashkil etadi.
Yangi iPad Pro qalinligi atigi 5,1 mm. Ma’lumotlarga ko‘ra, bu qurilma Apple’ning eng ingichka elektrotexnikasi sanaladi. Taqqoslash uchun, yangi 11 dyuymli iPad Pro qalinligi 5,3 mm.
Pencil Pro
Stilus ruchkasida barmoqlar bosimini aniqlaydigan, chizish asboblari, qalinligi, ranglari va boshqa xususiyatlarini tezda tanlash imkonini beruvchi maxsus sensor mavjud. Bundan tashqari, Pencil Pro simsiz zaryadlash imkoniyatiga ega va ruchka yo‘qolgan taqdirda uni “Lokator” orqali izlab topish mumkin.
Magic Keyboard
Ushbu klaviaturadan ekran yorqinligi va ovoz balandligini sozlash uchun foydalanish mumkin. Uning o‘lchami hamda sezgirligi ham oshirildi va yanada ingichka shaklga ega bo‘ldi. Magic Keyboard qora va oq rangda ishlab chiqarildi.
Izoh (0)