Hayvonot bog‘ida ishlash qiziqarli va oson ko‘rinishi mumkin. Biroq yovvoyi hayvonlarni parvarish qilish oson ish emas. Buning uchun nafaqat ishtiyoq, balki hayvonlar sog‘lom va xavfsiz bo‘lishini ta’minlash uchun ko‘plab ko‘nikmalarga ega bo‘lish zarur.
Hayvonot bog‘iga tashrif buyurish uchun eng qulay vaqt — salqin kun
Sovuq ob-havo hayvonlarni yanada faolroq qiladi, shuning uchun agar tomoshabop narsalarni ko‘rishni istasangiz, tashrif uchun salqin kunni tanlang. Eng yaxshisi, ertalab barvaqtroq boring.
Hayvonlarni volyerlarda yaxshiroq ko‘rish uchun o‘zingizni xotirjam tuting
Ba’zi tadqiqotchilarning fikricha, hayvonot bog‘idagi jonivorlar tashrif buyuruvchilar sababli stress holatiga tushmoqda. Baland ovozlar nafaqat ularda vahima, balki tajovuzkorlikni ham keltirib chiqarmoqda. Shuning uchun o‘zingizni tinch tutsangiz va keskin harakatlar qilmasangiz, hayvonning sizga salbiy munosabatda bo‘lmasligi, qochib ketmasligi va e’tiborsiz qoldirmasligi ehtimoli ancha yuqori bo‘ladi.
Iloji boricha to‘q rangli kiyim kiying
Hayvonot bog‘i xodimlari tashrif buyuruvchilarga qora kiyimda kelishni tavsiya etadi, ayniqsa hayvonlarni yaxshi suratga olishni istasangiz. Qora kiyim oynada aks etmagani sababli chiroyli ayiq yoki boshqa yirtqich hayvonni suratga olish imkoniyatingiz ancha oshadi.
Suv anolislari esa to‘q sariq rangni yaxshi ko‘radi
Tadqiqotchilar suv anoslilarining to‘q sariq rangni yoqtirishini aniqlashdi. Shuning uchun agar kaltakesakni har tomonlama ko‘rmoqchi bo‘lsangiz, oynani taqillatmang. Aksincha, yorqin to‘q sariq rangli futbolka kiying — shunda u o‘zi sizga “suhbatlashgani” yaqinlashadi.
O‘txo‘r hayvonlarga ba’zida go‘sht ham beriladi
Ko‘pchilik o‘txo‘r hayvonlarga ba’zan oz miqdorda go‘sht beriladi. Yovvoyi tabiatda bu jonivorlar iste’mol qiladigan o‘simlik, sabzavot va mevalarda ko‘pincha hasharotlar ham uchraydi va ular hasharotlarni ham yeydi. Biroq ko‘pchilikda o‘txo‘r hayvonlar faqat o‘simliklarni, yirtqichlar esa faqat go‘sht iste’mol qiladi, degan tushuncha shakllangan. Aslida esa yovvoyi tabiatda faqat o‘txo‘r yoki faqat go‘shtxo‘r hayvonlar juda kam uchraydi.
Hayvonot bog‘iga doimo eski-tuski mato kerak bo‘ladi
Hayvonot bog‘i yoki hayvonlar boshpanasiga yordam berishning juda oddiy va tekin usuli borligini ozchilik biladi. Uydan eski ko‘rpa, choyshab yoki sochiq kabi latta-puttalarni olib borishning o‘zi kifoya. Eski-tuski lattalar hayvonlarni parvarish qilishda doimo zarur bo‘ladi.
Delfin murabbiylari o‘zlarini formada saqlashadi
Odatda ular yaxshi jismoniy holatda bo‘lishga intiladi, aks holda gidrokostyumlar ularga yaxshi o‘tirmaydi.
Hayvonot bog‘i xodimlariga oddiy hayot kechirish qiyin
Hayvonot bog‘i xodimlarining ba’zilari sevgini faqat o‘z hamkasblari orasidan izlash kerak deb hisoblashadi. Chunki hayvonlar bilan ishlash jarayonida paydo bo‘ladigan o‘ziga xos hid tufayli bu holatga osonlikcha ko‘nika oladigan umr yo‘ldosh topish qiyin bo‘ladi.
Izoh (0)