Rossiyaning “Rubin” klubini tark etgan o‘zbekistonlik markaziy himoyachi Rustam Ashurmatov jamoani nega tark etgani haqida izoh berdi.
29 yoshli futbolchi “Championat.com” nashri jurnalisti Vladislav Kruglov bilan suhbatda quyidagilarni aytdi:
Jamoani tark etishimga asosiy sabab — boshqa klubdan taklif bo‘ldi va “Rubin” bunga to‘sqinlik qilmadi. Rostini aytsam, men ko‘proq o‘yin amaliyotiga ega bo‘lishni xohlardim. Aslida jamoada qolishim ham mumkin edi, sababi klub bilan yana bir yillik shartnomam bor. Ammo maqsadim — Jahon chempionatiga borish. O‘tgan mavsum ko‘p o‘ynamadim. Men ko‘proq harakat qildim, lekin imkoniyat yetarli bo‘lmadi.
Eslatib o‘tamiz, 9-iyul kuni Rustam Ashurmatovning Qozonning “Rubin” klubidan Eronning “Istiqlol” jamoasiga o‘tganini rasman e’lon qilindi.
Izoh (0)