IIV Tezkor-qidiruv departamenti va DXX xodimlari tomonidan 1994 hamda 1997-yilda tug‘ilgan ikki nafar shaxs yirik miqdorda kuchli taʼsir qiluvchi dori vositalarini qadoqlab, Toshkentda “zakladka” usulida tarqatish bilan shug‘ullanayotganligi to‘g‘risida maʼlum qilingan. Bu haqda IIV Tezkor-qidiruv departamenti xabar berdi.
Maʼlumot asosida ushbu ikki nafar shaxs Mirzo Ulug‘bek tumani hududida to‘xtatilib tekshirilganda, ularning yonida 300 dona “Pregabalin” va 8 dona “Tropikamid” kuchli taʼsir qiluvchi dori vositalari borligi aniqlandi.
Tadbir davom ettirilib, qo‘lga olingan shaxslardan birining yashash manzilida tarqatish uchun tayyorlab qo‘yilgan va qadoqlash uchun saqlab kelinayotgan dori vositalari, flakonlar, bo‘sh kapsulalar, elektron tarozilar hamda dori vositalarini qadoqlash maqsadida turli aralashtirish moslamalari borligi aniqlanib, ashyoviy dalil sifatida olindi.
Qo‘lga olingan shaxsga tegishli Spark avtomashinasi yukxonasida 12 dona kir yuvish kukuni qadog‘iga yashirilgan 36 kilogramm va yelim idishda 1,5 kilogramm “Pregabalin” borligi aniqlandi. Shuningdek, 2 700 dona qadoqlangan “Pregabalin” dori vositalari va bo‘sh kapsulalar borligi maʼlum bo‘ldi.
O‘tkazilgan hamkorlikdagi tezkor tadbir davomida chakana narxi 35 mlrd 692 mln so‘mlik jami 42 kg 806 gramm kuchli taʼsir qiluvchi dori vositalari musodara qilindi.
Hozirda holat yuzasidan jinoyat ishi qo‘zg‘atilib tergov harakatlari olib borilmoqda.
Izoh (0)