2024-yilning 27-iyun kuni aktyor Tobi Maguayr 49 yoshga to‘ldi. Shu munosabat bilan aktyor ishtirokidagi eng sara filmlarni bir joyga to‘pladik.
“Vinochilik qoidalari” (1999)
- Janr: drama, melodrama
- Rejissyor: Lasse Hallstrom
- Rollarda: Tobi Maguayr, Sharliz Teron, Delroy Lindo, Pol Radd, Maykl Keyn
Film voqealari 1940-yillarda Yangi Angliyadagi mehribonlik uylaridan biri — Sent-Klutda sodir bo‘ladi. Gomer Uells ( Tobi Maguayr) ismli yigit, sobiq mehribonlik uyi tarbiyalanuvchisi va hozirda mahalliy shifokor Uilbur Larchning (Maykl Keyn) yordamchisi. Ular birgalikda to‘laligicha qonuniy bo‘lmagan abort operatsiyalarini amalga oshiradi. Kunlarning birida ularning oldiga tez orada frontga ketishi kerak bo‘lgan Kendi Kendall (Sharliz Teron) va Uolli Uortington (Pol Rudd) keladi. Qiz homilador bo‘lib, abort qilishni so‘raydi. Gomer Kendi va Uolli bilan do‘stlashadi. Operatsiyadan so‘ng Uortingtonning uyiga borishga qaror qiladi va o‘sha yerda ishchi bo‘lib qoladi.
“Daholar” (2000)
- Janr: dramatik
- Rejissyor: Kertis Hanson
- Rollarda: Maykl Duglas, Tobi Maguayr, Frensis Makdormand, kichik Robert Dauni, Keti Xolms
Yozuvchi Gredi Tripp (Maykl Duglas) Pitsburg universitetida adabiyotdan dars beradi va o‘zining debyut romanining muvaffaqiyatini yangisini yozish bilan takrorlay olmaydi. Shu bilan birga, uning shogirdlaridan biri Jeyms Lir ( Tobi Maguayr) o‘qituvchisining e’tirofiga sazovor bo‘lgan ajoyib matnlarni tezlikda yoza oladi. Yigit iste’dodli, ammo hayotga mutlaqo moslashmagan. Shuning uchun ham Tripp uning uchun ham enaga, ham advokat o‘rnini bosa boshlaydi.
O‘rgimchak odam trilogiyasi (2002–2007)
- Janr: fantastika, jangari, sarguzasht
- Rejissyor: Sem Raimi
- Rollarda: Tobi Maguayr, Uillem Defo, Kirsten Danst, Jeyms Franko, Kliff Robertson
Tobi Maguayrga dunyo miqyosida shuhrat keltirgan maktab o‘quvchisi Piter Parker haqidagi superqahramonlik trilogiyasi. Oddiygina o‘rta maktab o‘quvchisi Piter Parker sinfdoshlari bilan sayohatga boradi, muzeyda uni mutant o‘rgimchak chaqib oladi. Shundan so‘ng u super kuchga ega bo‘lib, mahalliy super qahramon — O‘rgimchak odamga aylanadi.
“Aka-ukalar” (2009)
- Janr: triller, drama, harbiy
- Rejissyor: Jim Sheridan
- Rollarda: Tobi Maguayr, Jeyk Jillenxol, Natali Portman, Sem Shepard, Mari Vinningem
Kapitan Sem Kexill xizmat safari tufayli ( Tobi Maguayr) rafiqasi Greys (Natali Portman) va yosh qizlarini qoldirib Afg‘onistondagi urushga ketadi. Ko‘p o‘tmay Semning jangda halok bo‘lgani haqida xabar keladi va Semning ukasi Tommi (Jeyk Jillenxol) akasining oilasiga g‘amxo‘rlik qilishni boshlaydi. Bir muncha vaqt o‘tgach, nafaqat bolalar, balki Greysning o‘ziga ham Tommiga bog‘lanib qoladi. Oilada hammasi iziga tushganda, Sem tirik va shu vaqtgacha asirlikda bo‘lganligi ma’lum bo‘ladi. Uyga qaytib, u o‘zini ortiqcha odamdek his qila boshlaydi.
“Buyuk Getsbi” (2013)
- Janr: drama, melodrama
- Rejissyor: Baz Lurmann
- Rollarda: Leonardo Di Kaprio, Tobi Maguayr, Keri Malligan, Joel Edgerton, Isla Fisher
Frensis Skott Fitsjeraldning xuddi shu nomdagi romaniga asoslangan kartina. Nik Kerrauey (Tobi Maguayr) o‘zining Amerika orzusi sabab Nyu-Yorkka ko‘chib o‘tadi. Qo‘shni uyda sirli millioner Jey Getsbi (Leonardo Di Kaprio) yashaydi, u o‘zining bazmlari bilan mashhur. Qarama-qarshi qirg‘oqda jiyani Deyzi (Keri Malligan) va uning eri Tom (Joel Edgerton) yashaydi. Nik shu tariqa orzusiga bir qadam yaqinlashadi.
“Bobil” (2022)
- Janr: drama, komediya
- Rejissyor: Demyen Shazell
- Rollarda: Diyego Kalva, Margo Robbi, Bred Pitt, Jovan Adepo, Li Jun Li
Demyen Shazell tomonidan suratga olingan tarixiy komediya-drama. 1920-yillardagi Gollivudning ovozsiz kino yulduzlari karyeralarining pasayishini boshdan kechirmoqda: ovozli filmlar modaga kirib kelmoqda.
Izoh (0)