Adliya vazirligi tomonidan To‘liq moddiy javobgarlik to‘g‘risida o‘zi bilan yozma shartnomalar tuzilishi mumkin bo‘lgan xodimlar egallaydigan lavozimlar va ishlarning namunaviy ro‘yxati 21-avgust kuni davlat ro‘yxatidan o‘tkazildi.
Ushbu namunaviy ro‘yxatda to‘liq moddiy javobgarlik to‘g‘risida o‘zi bilan yozma shartnomalar tuzilishi mumkin bo‘lgan xodimlar egallaydigan 26 ta ish turlari bo‘yicha 177 ta kasblar va lavozimlar belgilab berilgan. Ularning to‘liq ro‘yxati bilan quyidagi havola orqali tanishish mumkin.
Jumladan, ombor, g‘azna va boshqa bo‘linmalarda rahbarlik ishlari, farmatsevtika sohasidagi ishlar, muhandis-kimyogarlik ishlari, kassirlik ishlari, mahsulotlarni sotish ishlari bo‘yicha kasb va lavozimlar keltirilgan.
Ma’lumot uchun, to‘liq moddiy javobgarlik — to‘liq moddiy javobgarlik to‘g‘risidagi shartnoma asosida pul yoki tovar qimmatliklari bilan bevosita muomala qilayotgan xodimga ishonib topshirilgan qimmatliklarning but saqlanishini ta’minlamaganlik uchun qo‘llaniladigan javobgarlik turi.
Mehnat kodeksining 343-moddasida to‘liq moddiy javobgarlik to‘g‘risida o‘zi bilan yozma shartnomalar tuzilishi mumkin bo‘lgan xodimlar egallaydigan lavozimlar va ishlarning namunaviy ro‘yxati Kambag‘allikni qisqartirish va bandlik vazirligi tomonidan tasdiqlanishi nazarda tutilgan.
Izoh (0)