Farg‘ona viloyati Oltiariq tumanida Cobalt bilan to‘qnashgan Spark ag‘darilib ketdi. Viloyat YHXB holat tafsilotlarini ma’lum qildi.
Holat Oltiariq tumani hududidan o‘tgan 4R-112 Farg‘ona halqasi avtomobil yo‘lining 252-km da sodir bo‘lgan. Ikkinchi darajali yo‘ldan asosiy yo‘lga harakatlanib chiqayotgan Spark qayrilib olish uchun yo‘lning ikkinchi bo‘lagidan asosiy bo‘lakka o‘tayotgan vaqtida uning ortidan harakatlanib kelayotgan Nexia haydovchisi unga yo‘l berish uchun tezlikni pasaytirgan.
Shu vaqtda uning ortidan kelayotgan Cobalt avtomobili oraliq masofani saqlamagani sababli dastlab Nexia’ning, so‘ngra Spark’ning ortiga borib urilgan. Spark boshqaruvni yo‘qotib ag‘darilgan. Natijada mashinada bo‘lgan ikki nafar yo‘lovchi yengil tan jarohati olib, shifoxonaga murojaat qilgan.
Hozirda Oltiariq tumani IIB YHXB tomonidan tergovga qadar tekshiruv harakatlari olib borilmoqda.
Izoh (0)