Rossiya harbiy kuchlari tomonidan portlatilgan Kaxovka GESni qayta tiklab bo‘lmaydi. Bu haqda “Ukrgidroenergo” xabar berdi.
"Dvigatel xonasining ichkaridan portlashi natijasida Kaxovka GES butunlay vayron bo'lgan. Stansiyani qayta tiklab bo‘lmaydi", - deyiladi xabarda.
Kaxovka suv omborida suv sathi tezlik bilan pasaymoqda, atrofdagi hududlarni suv bosyapti.
“Ukrgidroenergo” vaziyatni tahlil qilishda davom etmoqda, mutaxassislarimiz vayronagarchilik darajasi, suv tezligi va hajmini aniqlash ustida ishlamoqda. Maʼlumotlar berib boriladi”, — deya qo‘shimcha qildi tashkilot.