2020-yilda dunyodagi eng boy odamlardan biri o‘zining qimmat ko‘chmas mulkini sotuvga qo‘ydi. O‘sha paytda u bir nechta hashamatli uylarga ega edi. U uylarini kimoshdi savdosiga ketma-ket qo‘yib, g‘ayrat bilan maqsadi sari odimlashga kirishdi. Rasmiy ma'lumotlarga ko‘ra, Mask hozirda bir xonali kamtarona uyda yashaydi.
Yuz yillik qasr
Marsga borishni orzu qilgan tadbirkorning noodatiy xarakter egasi ekani butun dunyoga ma'lum. Uning bayonotlari va qabul qilgan qarorlari bir necha bor bahs-munozaralarga sabab bo‘lgan. Ammo bir necha yil ketma-ket Mask dunyoning eng boy odamlari uchligidan joy olib kelyapti. Dunyoning eng boy odami bo‘lishiga qaramay, asli kelib chiqishi Janubiy afrikalik bo‘lgan Mask pullarini tejashni boshladi: u xarajatlarni qisqartirdi, yuz yillik qasrini 30 million dollarga sotdi.
Deyarli 5000 kvadrat metr maydoni, ulkan garaji, 10 ta yotoqxonasi va hammomiga ega bu qasr o‘zining yetakchi kompaniyalari shtab-kvartirasi yonida joylashgan. Ma’lum bo‘lishicha, Kristian de Gin IV bir paytlar bu hashamatli uyga egalik qilgan — uy 1912-yilda aristokratning ajdodlari tomonidan qurilgan.
Uy juda chiroyli — bal zali, katta yemakxona va oshpazlar jamoasi uchun mo‘ljallangan oshxona. Interyerlar esa eski Britaniya qasrlarini eslatadi: devorlardagi klassik rasmlar, nafis billur qandillar, ulkan kaminlar, konsolli zallar va xitoy vazalari, vitrinalardagi chinni kolleksiyasi. Qasr 19 gektar maydonni egallaydi, bu yerda shaxsiy kanyoningiz bo‘ylab sayr qilishingiz va ko‘rfaz manzarasidan bahramand bo‘lishingiz mumkin.
Xabar qilinishicha, 2021-yil noyabr oyida milliarder yirik “mulk sotuvi”ni e’lon qilganida, Unlimitt egasi va asoschisi Kirill Evstratov uyni Ilon Maskdan sotib olgan.
Bumerang uy
Bir qavatli uy milliarder kolleksiyasining durdonasi hisoblanadi. Bino yuqoridan ko‘rinadigan bumerang shaklida qurilgan va u o‘ziga xos kosmik stansiyani eslatadi. Twitter egasining boshqa dabdabali qasrlari bilan solishtirganda, bu uy kamtarona ko‘rinadi — hududi 914 kvadrat metr. Mask uyni 2014-yilda salkam 3,7 million dollarga sotib olgan.
Poldan shiftgacha derazalar, shaxsiy basseyn, qanotlardan birida mehmonxona va ovqatlanish xonasi birlashtirgan ochiq maydon mavjud. Qarama-qarshi qanotda yotoqxonalar va yuvinish xonalari mavjud bo‘lib, har birining derazsia uyni o‘rab turgan bog‘ga ochiladigan qilib qurilgan. Turar joy aqlli uy tizimi bilan jihozlangan bo‘lib, uning funksiyalarini, masalan, basseynni isitishni telefon orqali boshqarish mumkin. Lakonik interyer va juda ko‘p ochiq maydon — bu uyni milliarderning boshqa ko‘chmas mulklaridan ajratib turadi. OAV ma'lumotlariga ko‘ra,uyni Mask 4,5 millionga sotgan.
Jeyms Bond uslubidagi uy
Quyoshli Kaliforniya Ilonning sevimli joyi edi, u Los-Anjelesning turli joylarida joylashgan ko‘chmas mulkka egalik qilardi. Uzoq vaqt davomida birinchi xotini va besh farzandi bilan ular katta, ammo ijaraga olingan kvartirada yashashgan. Ko‘chmas mulk sotib olayotgan da bu uy Maskning birinchi xaridi bo‘ldi.
Ammo keyingi xarid taxminan 2 ming kvadrat metr maydonga ega bo‘lgan 17 million dollarlik uy edi. Mask 2012-yilda uch yillik ijaradan so‘ng fransuzcha uslubdagi oq shlakli uyni sotib oldi. Uyda beshta garaj, shaxsiy spa-salon, mehmonxonalar mavjud. Diqqatga sazovor joy — ikki qavatli kutubxona.
“Yettita yotoqxona va 13 ta hammomdan iborat uy. Chiroyli qilib terilgan g‘ishtlar oshxona shiftini bezab turadi. Hovlida katta tennis korti, basseyn va yuqori darajadagi Bel-Air Country Club’ning ajoyib manzaralari mavjud. Turar joyda, shuningdek, vino omborxonasi va sport zali ham bor. Ushbu qasrning ko‘rinishi Jeyms Bond haqidagi klassik filmni eslatadi.
Jin Uaylderning uyi
Aktyor Jin Uaylder 1971-yilda shokolad fabrikasi egasi Villi Vonka rolini ijro etgan. Aktyor bu uyni 1976-yilda sotib olgan va u erda 30 yil yashagan. Bu uy rancho va mehmonaning uyg‘unlashgan ko‘rinishi. Bir qavatli bino odatiy bo‘lgan Amerika uylariga o‘xshaydi, faqat hajmi kattaroq — deyarli 300 kvadrat metr.
Mask bu uydan o‘z farzandlari hamda SpaceX va Tesla xodimlarining tanlangan farzandlari uchun AdAstra (lotincha “yulduzlarga”) deb nomlangan xususiy maktab sifatida foydalangan. Ammo tez orada u uydan shovqinli bazmlar uchun foydalana boshladi.
Tesla asoschisi ijtimoiy tarmoqlarda uyni sotish niyati borligini e'lon qilganida, unga Jin Uaylderning jiyani Jordan Uoker-Perlman sotib olish taklifi bilan murojaat qiladi. Mask uyni yetti million dollarga sotishga rozi bo‘ladi, biroq xaridorning buncha puli yo‘q edi, shuning uchun Mask uyni saqlab qolish va uni qayta ta’mirlamaslik va’dasi evaziga unga qarz beradi.
3000 kvadrat maydondagi minimalizm
Los-Anjelesning ajoyib manzarasi bo‘lgan tog‘ yonbag‘irida murakkab loyiha asosida qurilgan oppoq uy joylashgan. Yotoqxonalar, mehmonxona va ofisning umumiy maydoni 2800 kvadrat metrni tashkil qiladi. 6 ta yotoqxona va 7 ta hammom mavjud. Uyning old tomonida shezlongli ochiq ayvon va ulkan basseyn ham bor. Uyning narxi 30 million dollarga baholangan.
Hashamatli saroy yonida to‘rtta yotoqxonasi bo‘lgan kamtarona ikki qavatli yog‘ochdan yasalgan yozgi uy ham bor. Mask uni asosiy mulk maydonini kengaytirish uchun xarid qilgan. Ushbu uyni sotib olgandan so‘ng, elita hududi aholisi o‘rtasida milliarder Bel-Airni butunlay sotib olmoqchi ekanligi haqida mish-mishlar tarqaladi. Ammo buning o‘rniga u uylarini sotishini e’lon qildi — u Tesla (Teslaning bosh ofisi Kaliforniyaning Palo Alto shahrida joylashgan) koronavirus bilan bog‘liq cheklovlar tufayli ishlashni taqiqlagan Kaliforniya shtati hukumatidan xafa bo‘ldi.
Mars uchun modulli uy
Tesla bosh direktori qimmat ko‘chmas mulklarini sotganidan so‘ng, 37 kvadrat metrli kichik modulli uyga joylashadi. Boxabl startapi tomonidan ishlab chiqarilgan “yig‘ma uy”ni demontaj qilish, ko‘chirish va yangi joyga yig‘ish mumkin. Bu uy milliarderga sodda tuzilishi bilan yoqdi, chunki u kompaniyalarining bo‘linmalari orasida sayohat qilmoqchi. “Aslida bu juda zo‘r narsa”, — deb yozgan Mask Twitter’da.
Yig‘iladigan mazkur uy 50 ming dollar turadi. Uy kvartira-studiyaga o‘xshaydi: bitta katta xona mehmonxona, yotoqxona, oshxona va hammomga bo‘lingan. Kichk sanuzel yupqa devorlar orqasiga yashiringan. Bir tomondan u rakovina, gaz plitasi va muzlatkichga ulangan. Shuningdek, ovqatlanish stoli ham sanuzel ro‘parasidagi burchakka joylashtirilgan. Mehmonxona yotoqxonadan televizor qo‘yilgan shkaf bilan ajratilgan. Bu xonaning butun oddiygina interyeri. Ko‘p bolali ota sifatida uni ko‘rish uchun kelgan barcha merosxo‘rlarini shu uyga joylashtirish — bu qiyin masala. Uyda ortiqcha joy yo‘q, garchi ommaviy axborot vositalari Mask farzandlarining onalari yaxshigina ko‘chmas mulkka egaligini ta’kidlasa ham.
Uy hozirda Texasning Boka Chika shahrida, SpaceX Starship raketalarini ishlab chiqaradigan joydan unchalik uzoq bo‘lmagan joyda joylashgan.
Uyni turli qismlarga ajratish va konfiguratsiyalar bilan o‘zgartirish mumkin. Uning narxiga elektr energiyasi, isitish, ovoz va issiqlik izolyatsiyasi kiradi. Mebellarni esa uy egasi sotib olish kerak, lekin har qanday mebellar ham bu uyga mos kelavermaydi. Uyning qismlari zavodda beton panellar va po‘latdan yasalgan bo‘lib, qurilish jarayoni “Lego” konstruksiyasini eslatadi.
Uy ishlab chiqaruvchisining ta'kidlashicha, bu kelajak uyi. “Bunday uyni istalgan joyga o‘rnatish mumkin. Shu bilan birga, kommunikatsiyalarni o‘rnatish va ulash uchun bir necha soat ketadi xolos. Uyni o‘rnatish jarayoni Boxabl kompaniyasining patentlangan ixtirosidir: blok kartalar uyi kabi buklanadi va keyin joyida teskari tartibda joylashtiriladi. Bu texnologiya qurilish materiallarini tashish narxini pasaytiradi va borish qiyin bo‘lgan joylarga yetkazish imkonini beradi”, — deb yozadi Forbes jurnali.
Ayrim ommaviy axborot vositalari Boxabl kompaniyasi Marsdagi turar joy binolarini loyihalashda ishtirok etishini takidlamoqda.