AQSH Soliq boshqaruvi amerikalik xonanda Beyonseni 2,69 million dollar soliq to‘lamaganlikda ayblamoqda.
Agentlik maʼlumotlariga ko‘ra, xonanda 2018-yil uchun 805 850 dollar, 2019-yil uchun esa 1 442 747 dollar soliq to‘lashi kerak. Shuningdek, tashkilot Beyonse yana ikki yillik 449 719 dollar miqdorida jarima to‘lashi kerakligini da’vo qilmoqda.
Nashrning xabar berishicha, Beyonse vaziyatga javob qaytargan. Xonanda tashkilot qaroriga rozi emas, u soliq idorasiga ariza bilan murojaat qilgan va Los-Anjelesda sud jarayonini o‘tkazishni so‘ragan.
“Biz bu tashkilot bilan ishlayapmiz va masala tez orada hal etilishini kutmoqdamiz”, — deydi xonandaning advokati Maykl Koen.
Qayd etilishicha, xonandaning advokatlari 868 766 dollar soliq to‘lashga e’tiroz bildirishga muvaffaq bo‘lgan.
Beyonse faoliyati davomida bir qancha xayriya tashkilotlarini qo‘llab-quvvatlagan. U 2013-yilda iqtisodiy tengsizlikka qarshi kurash, marginallashgan jamoalarni qo‘llab-quvvatlash, ta’lim imkoniyatlarini taqdim etish va tadbirkorlikni rivojlantirishga bag‘ishlangan BeyGOOD jamg‘armasiga asos solgan. Hozircha xonandaning 868 766 dollar mablag‘ni qaysi tashkilotga xayriya qilgani ma’lum qilinmagan.
Beyonse dunyodagi eng ko‘p haq oluvchi xonandalardan biri. O‘tgan yili Forbes uning umumiy boyligini 450 million dollarga baholagan.
Izoh (0)