Toshkentda 3 ta mashina ishtirokida YTH sodir bo‘ldi

Toshkent shahri Mirobod tumanida 2-fevral kuni uchta mashina ishtirokida yo‘l-transport hodisasi sodir bo‘ldi. Bu haqda poytaxt YHXB xabar berdi.

Qayd etilishicha, soat 13:30 atrofida “Elektroapparat” zavodi ro‘parasida Labo va Matiz ishtirokida YTH sodir bo‘lgan. Shundan so‘ng Matiz Spark’ka borib urilgan.

Hodisaning dastlabki sababi: Labo haydovchisi harakatlanish ustuvorligiga ega bo‘lgan Matiz rusumli avtomashina haydovchisiga yo‘l bermay, burilish manyovrini amalga oshirgan.

To‘qnashuv natijasida Labo rusumli avtomashina haydovchisi tan jarohati olib, shifoxonaga yotqizilgan. Mazkur holat yuzasidan tergovga qadar tekshiruv harakatlari olib borilmoqda.

Mavzuga doir:

• Buxoroda 3 ta mashina ishtirokida YTH sodir bo‘ldi
• Toshkentda to‘rtta mashina ishtirokida YTH yuz berdi