“Chelsi” bir mavsumda transferlarga pul sarflash bo‘yicha “Barselona”ning rekordini yangiladi

“Chelsi” joriy mavsum transferlarga katta mablag‘ sarflayapti.

London klubi yozgi va qishki transfer oynasini qo‘shib hisoblaganda bu mavsumda 425 million yevrolik xaridlarni amalga oshirdi. Bu orqali “Chelsi” bir mavsumda transferlarga eng ko‘p mablag‘ sarflagan klubga aylandi.

Londonliklar bu borada “Barselona”ning 2017/18-yilgi mavsumdagi rekordini yangiladi. O‘shanda katalonlar 380 million yevro ishlatgandi. Bu borada uchinchi o‘rinda “Real”ning 2019/20-yilgi mavsumdagi xaridlari joy olgan.

Top-10 lik quyidagicha:

1. “Chelsi” (2022/23-yilgi mavsum) — 425 mln yevro
2. “Barselona” (2017/18) — 380 mln yevro
3. “Real Madrid” (2019/20) — 356 mln yevro
4. “Manchester Siti” (2019/20) — 318 mln yevro
5. “Barselona” (2019/20) — 299 mln yevro
6. “Yuventus” (2018/19) — 263 mln yevro
7. “PSJ” (2018/19) — 262 mln yevro
8. “Chelsi” (2017/18) — 261 mln yevro
9. “Real Madrid” (2009/10) — 259 mln yevro
10. “Atletiko” (2019/20) — 247 mln yevro

“Chelsi” avvalroq ukrainalik futbolchi Mixaylo Mudrikni 70+30 million yevroga sotib olgani ma’lum bo‘lgandi. Bundan tashqari klub Uesli Fofana, Mark Kukurelya, Rahim Sterling, Kalidu Kulibali, Benua Badyashil, Karni Chukvuemeka, Pyer-Emerik Obameyang, David Fofana, Andrey Santos, Joau Feliks, Gabriel Slonina va Denis Zakariya kabi futbolchilarni o‘z safiga qo‘shib oldi.