Gavayi ustida girdobga tushib qolgan samolyotdagi o‘nlab odamlar jabrlandi

AQSHning Finiks shahridan Gavayiga uchayotgan samolyot girdobga tushib qolgani sabab bortdagi 36 kishi turli darajada jarohat oldi, deb xabar bermoqda Associated Press favqulodda xizmatlarga tayanib.

Gavayining Gonolulu shahri shoshilinch tibbiy yordam xizmati bayonotida aytilishicha, 11 kishi og‘ir ahvolda kasalxonaga yotqizilgan, yana 9 kishining ahvoli barqaror. Jabrlanganlarning eng kichigi 14 oylik.

Ta’kidlanishicha, jabrlanganlarda bosh jarohatlari, yara, ko‘karish, hushini yo‘qotish qayd etilgan.

Hawaiian Airlines ma’lumotlariga ko‘ra, samolyot bortida 278 yo‘lovchi va o‘n nafar ekipaj a’zosi bo‘lgan.

Samolyot Gonoluluga qo‘nishidan taxminan 30 daqiqa oldin girdob zonasiga urilgan.