Bugun,

  • USD 11095.31
  • RUB 173.84
  • EUR 10772.44

Vashingtonda 13-dekabr kuni O‘zbekiston va Amerika Qo‘shma Shtatlari o‘rtasidagi strategik sheriklik muloqotining ikkinchi yig‘ilishi bo‘lib o‘tdi. Bu haqda Tashqi ishlar vazirligi axborot xizmati xabar berdi.

Foto: Tashqi ishlar vazirligi

Foto: Tashqi ishlar vazirligi

Tomonlar delegatsiyalariga O‘zbekiston tashqi ishlar vaziri Vladimir Norov va AQSH davlat kotibining Janubiy va Markaziy Osiyo bo‘yicha yordamchisi Donald Lu rahbarlik qildi. Kun tartibiga muvofiq siyosat va mintaqaviy muloqot sohalarida ikki tomonlama hamkorlikning dolzarb masalalari yuzasidan fikr almashildi. Bugungi kunda ochiq muloqot va o‘zaro ishonchga asoslangan O‘zbekiston—Amerika ko‘p qirrali hamkorligining jadal rivojlanib borayotgani mamnuniyat bilan qayd etildi.

Bundan tashqari, Amerika tomoni O‘zbekistonning mustaqilligi, suvereniteti va hududiy yaxlitligini doimiy qo‘llab-quvvatlashini yana bir bor tasdiqladi. O‘zbekiston jiddiy tahdidlarga qaramay, Shavkat Mirziyoyev rahbarligida keng ko‘lamli va muvaffaqiyatli islohotlar yo‘lida izchil borayotgani ta’kidlandi. Shu nuqtayi nazardan, Amerika tomoni O‘zbekistondagi islohotlar dasturini, shu jumladan, iqtisodiyot, ta’lim va inson huquqlarini ta’minlash sohalarida har tomonlama ko‘maklashishga tayyorligi bildirildi.

Delegatsiyalar, shuningdek, xavfsizlik masalalari bo‘yicha muloqot masalalarini hamkorlikni muhokama qildi va Afg‘onistondagi vaziyatga alohida e’tibor qaratdi. Amerika Qo‘shma Shtatlari O‘zbekistonga “C5+1” diplomatik platformasida faol ishtirok etgani uchun minnatdorlik bildirdi. Ushbu formatning muammolarni birgalikda hal qilish, obod va xavfsiz Markaziy Osiyoni barpo etishda muhim ahamiyat kasb etishi ta’kidlandi.

“Iqtisodiy taraqqiyot” sessiyasida O‘zbekistonda amalga oshirilayotgan islohotlar va qulay ishbilarmonlik muhitini yaratish bo‘yicha ko‘rilayotgan chora-tadbirlar muhokama qilindi. Raqamli iqtisodiyot, qishloq xo‘jaligi, transport, suv resurslari va atrof-muhitni muhofaza qilish sohalarida O‘zbekiston—Amerika hamkorligini kengaytirish bo‘yicha tashabbuslar ko‘rib chiqildi. Ishtirokchilar ikki mamlakat kompaniyalari duch kelayotgan muammolarni samarali hal etish yuzasidan ham fikr almashdi.

2023-yil Samarqandda AQSH va Markaziy Osiyo o‘rtasidagi Savdo va investitsiyalar bo‘yicha doiraviy shartnomasi (TIFA) kengashi majlisiga puxta tayyorgarlik ko‘rish muhimligi ta’kidlandi. Tomonlar TIFA iqtisodiy kun tartibini shakllantirish uchun har ikki tomonning idoralari ishtirokida doimiy ishchi guruh tuzishga kelishib oldi.

Amerika tomoni JSTga a’zo bo‘lish jarayonida O‘zbekistonga yordam ko‘rsatishni davom ettirishga tayyorligi haqida xabar berdi. “Insoniy mezon” sessiyasi davomida AQSH vakillari O‘zbekistonda demokratik institutlarni mustahkamlash, so‘z va din erkinligini himoya qilish, majburiy mehnatga barham berish va gender tengligini ta’minlash borasida erishilgan yutuqlarga ijobiy baho berdi.

Shuningdek, tomonlar madaniy-gumanitar almashinuvlarni faollashtirish masalalarini muhokama qildi. AQSH hukumati O‘zbekistonda ta’lim sifatini oshirish, o‘quv bazasini takomillashtirish va o‘qituvchilarning kasbiy mahoratini oshirish bo‘yicha amalga oshirilayotgan keng qamrovli islohotlarni e’tirof etdi. Ta’lim sohasidagi qo‘shma loyihalarni amalga oshirishga qiziqish bildirildi. Ilm-fan sohasidagi hamkorlikni yanada chuqurlashtirish zaruriyati tasdiqlandi. Sog‘liqni saqlash, atrof-muhitni muhofaza qilish, IT, qishloq xo‘jaligi, seysmologiya va boshqa istiqbolli yo‘nalishlarda aloqalarni davom ettirish muhimligi e’tirof etildi belgilangan. Uchrashuv yakunlari bo‘yicha qo‘shma bayonot qabul qilindi.

Avvalroq Vladimir Norov AQSH davlat kotibi bilan muzokara o‘tkazishi ma’lum qilingandi.

Mavzuga doir:

Izoh
Asosiy yangiliklar
Mahalliy
“Oila a’zolari tomonidan muntazam jinsiy zo‘ravonlikka uchrayotgan bolalar ham topiladi” — Bolalar ombudsmani
Mahalliy
Sogʻliqni saqlash vaziri: Taʼlimda oʻzgarish qilmas ekanmiz, tibbiyot ham oʻzgarmaydi
Mahalliy
Buxoroda Nexia-2 ariqqa tushib ketdi (video)