OKMK: yillik eksport rejasi muddatidan avval bajarildi

OKMK oldiga joriy yilda 855,5 mln dollarlik mahsulotlar eksporti rejasi belgilangan bo‘lib, amalda 11 oylik natijalariga ko‘ra 883,8 mln dollarlik mahsulot eksport qilindi.

595,6 mln dollarlik mis mahsulotlari, 186,5 million dollarlik rux metali, 32,4 million dollarlik nodir metallar, 37,2 million dollarlik qo‘rg‘oshin tarkibli xomashyolar va 32,1 million dollarlik boshqa turdagi mahsulotlar eksport qilindi.

Quvonarlisi kombinat mahsulotlari eksportida yangi bozorlar – Ispaniya, Avstriya, Germaniya, Finlyandiya, Kanada, Janubiy Afrika Respublikasi va Senegal davlatlariga qiymati 14,3 million dollarlik mahsulotlar eksporti amalga oshirildi.

Yana shuni ta’kidlab o‘tish lozimki, kombinat tomonidan O‘zbekiston Respublikasi tovar xom ashyo birjasidagi valyuta maydonchasi orqali qiymati 24,6 mln dollarga teng bo‘lgan 9 turdagi mahsulotlar eksportga yo‘naltirildi.

Reklama huquqi asosida