Samsung Electronics kompaniyasining global marketing bo‘yicha yangi prezidenti Li Yon-Xi bo‘ldi. Yonhap xabar berishicha, Janubiy Koreya texnologik giganti o‘z tarixida birinchi marta bunday yuqori rahbarlik lavozimiga ayol kishini tayinlagan.
Mutaxassis Samsung’ning Device eXperience (DX) bo‘linmasi Xalqaro marketing markaziga boshliq bo‘ldi, ushbu bo‘linma kompaniyaning smartfonlar va portativ elektronika sohasidagi butun biznesini nazorat qiladi.
Li Yon-Xi Samsung’ga 2007-yilda kelib qo‘shilgan, ungacha L’Oreal kompaniyasida ishlagan, 2012-yilda esa vitse-prezident lavozimini egallagan. Janubiy Koreya kompaniyasining smartfonlar va planshet kompyuterlari oilasidan iborat Samsung Galaxy brendi imijining yaratilishi va muvaffaqiyatli reklama qilinishida aynan u asosiy rollardan birini o‘ynagani aytiladi.
Yonhap yozishicha, uning bu lavozimga tayinlanishi Samsung’ning boshqa iste’dodli xodimalari uchun “signalga aylanib, ularni karyera zinasidan ko‘tarilishga da’vat etishi” mumkin.
Li Yon-Xi oktabr oyida kompaniyaning yetakchisi Li Je Yon uning direktorlar kengashi raisiga aylanganidan keyin yuz bergan ichki tayinlovlar natijasida o‘z lavozimlarini egallagan yetti nafar Samsung prezidentlaridan biriga aylangandi.
Izoh (0)