Isroil G‘azodagi HAMAS obyektlariga qiruvchilar bilan hujum qildi

Isroil qiruvchi samolyotlari G‘azo sektoriga hujum qildi. OAV xabariga ko‘ra, zarbalar nishoni G‘azo janubidagi HAMAS harakatiga tegishli qurol-yarog‘ ishlab chiqarish ustaxonasi bo‘lgan. Qurbonlar va yaradorlar haqida hozircha ma’lumot yo‘q.

Bu Isroil hududiga uyushtirilgan raketa hujumiga javob deb atalmoqda — 3-dekabr kuni bitta raketa Isroil ochiq maydoniga qulagan, havo hujumidan mudofaa tizimi ishga tushmagan. OAV Isroil harbiylarga tayanib xabar berishicha, hodisa oqibatida qurbonlar yo‘q, mamlakatda “odatiy turmush tarzi davom etmoqda”.

O‘tgan hafta Falastin Sog‘liqni saqlash vazirligi Isroil xavfsizlik kuchlari bilan to‘qnashuvda uch kishi qurbon bo‘lgani haqida xabar bergandi. Isroilda esa avtoterakt oqibatida 20 yoshli qiz jarohat olgan.

Mutaxassislar Falastin va Isroil o‘rtasidagi mojaro “qaynash nuqtasi”ga yaqinlashayotganini qayd etmoqda, bu mahalliy teraktlar sonining ko‘payishi va jamoatchilik kayfiyatining o‘zgarishida namoyon bo‘lmoqda.