Исроил қирувчи самолётлари Ғазо секторига ҳужум қилди. ОАВ хабарига кўра, зарбалар нишони Ғазо жанубидаги ҲАМАС ҳаракатига тегишли қурол-яроғ ишлаб чиқариш устахонаси бўлган. Қурбонлар ва ярадорлар ҳақида ҳозирча маълумот йўқ.
Бу Исроил ҳудудига уюштирилган ракета ҳужумига жавоб деб аталмоқда — 3 декабрь куни битта ракета Исроил очиқ майдонига қулаган, ҳаво ҳужумидан мудофаа тизими ишга тушмаган. ОАВ Исроил ҳарбийларга таяниб хабар беришича, ҳодиса оқибатида қурбонлар йўқ, мамлакатда «одатий турмуш тарзи давом этмоқда».
Ўтган ҳафта Фаластин Соғлиқни сақлаш вазирлиги Исроил хавфсизлик кучлари билан тўқнашувда уч киши қурбон бўлгани ҳақида хабар берганди. Исроилда эса автотеракт оқибатида 20 ёшли қиз жароҳат олган.
Мутахассислар Фаластин ва Исроил ўртасидаги можаро «қайнаш нуқтаси»га яқинлашаётганини қайд этмоқда, бу маҳаллий терактлар сонининг кўпайиши ва жамоатчилик кайфиятининг ўзгаришида намоён бўлмоқда.
Мавзуга доир: Фаластин—Исроил. Яқин Шарқдаги 75 йиллик зиддият чўққисига чиқмоқда (видео)
Изоҳ (0)