Bugun,

  • USD 11095.31
  • RUB 173.84
  • EUR 10772.44

Qoraqalpog‘istonda prezident qaroriga ko‘ra, “mehr daftari”ga kiritilgan, 18 yoshga to‘lgan yetim va ota-ona qaramog‘idan mahrum bo‘lgan amudaryolik uch nafar yoshning har biriga yangi xonadon berildi. Bu haqda “Daryo”ga Amudaryo tuman hokimligi xabar berdi.

Foto: Amudaryo tumani hokimligi

Foto: Amudaryo tumani hokimligi

Ma’lum qilinishicha, 2-dekabr kuni tuman hokimligida o‘tkazilgan yig‘ilishda mazkur xonadonlar kaliti va hujjatlari egalariga tuman hokimi Sultonboy Yo‘ldashev tomonidan tantanali ravishda topshirilgan.

Ta’kidlanishicha, tuman hokimligining Bolalarni himoya qilish shu’basi tomonidan shakllantirilgan “mehr daftari” ro‘yxatida turgan bolalarning muammolarini o‘rganish maqsadida ular yashayotgan xonadonlarga muntazam ravishda borilib, holidan xabar olib turiladi.

Foto: Amudaryo tumani hokimligi

Foto: Amudaryo tumani hokimligi

Qo‘shimcha qilinishicha, o‘tgan davr mobaynida “mehr daftari” jamg‘armasida ro‘yxatda turgan 9 nafar bolaning har biriga 650 mingdan, jami 5 million 850 ming so‘mlik maktab formalari va o‘quv qurollari berilgan. Shuningdek, jamg‘arma mablag‘lari hisobidan 1 nafar bola zamonaviy noutbuk va 1 nafar qiz tikuv mashinasi bilan ta’minlangan.

Foto: Amudaryo tumani hokimligi

Foto: Amudaryo tumani hokimligi

Ota-onasi yo‘qligi uchun vasiy qaramog‘iga olingan, ayni paytda 18 yoshga to‘lgan, uy-joyga muhtoj Azizbek Jumaboyev, Ozoda Bobojonova hamda Farida Inoyatovalarning har biriga alohida sovg‘a qilingan xonadonlar zarur mebellar bilan jihozlangan. Yangi xonadon egalariga Amudaryodagi saxovatpesha tadbirkorlar tomonidan beg‘araz homiylik yordami asosida televizor, uy-ro‘zg‘or buyumlari va boshqa maishiy buyumlar ham sovg‘a qilingan.

Izoh
Asosiy yangiliklar
Mahalliy
Qo‘shimcha talab etiladigan 37,5 ming tonna piyoz 1-aprelga qadar ichki bozorlarga kiritiladi
Mahalliy
“YouTube’dagi obunachilarimiz soni MDH mamlakatlari IIV kanallarinikidan ham ko‘p” — Shohrux G‘iyosov IIVning mediamakondagi faoliyati haqida gapirdi
Mahalliy
Toshkentda yo‘lovchi avtobus yonib ketdi