Bugun,

  • USD 11095.31
  • RUB 173.84
  • EUR 10772.44

“Daryo” nashri 1-dekabrda O‘zbekiston va jahonda sodir bo‘lgan eng muhim voqealarni e’tiboringizga havola etadi.

Ukraina uchun NASAMS mudofaa tizimlari va sovet davriga oid qurol yarog'lar hozirlanmoqda

AQSH Ukraina uchun NASAMS havo hujumiga qarshi mudofaa tizimini sotib olish bo‘yicha Raytheon kompaniyasi bilan 1,2 milliard dollarlik shartnoma tuzdi. Bu haqda Amerika Mudofaa vazirligi xabar bermoqda.

Ma’lum qilinishicha, Ukrainaga xavfsizlik sohasida yordam berish bo‘yicha tashabbuslarning beshinchi paketi doirasida imzolangan ushbu shartnomada oltita NASAMS batareyalarini yetkazib berish, Ukraina Qurolli kuchlari va xavfsizlik kuchlarini o‘qitish hamda moddiy-texnik ta’minlash haqida gap ketadi.

Idora aniqlik kiritishicha, hozircha zenit-raketa majmualari ishlab chiqarilishi yakunlanib, Ukrainaga yetkazib beriladigan taxminiy sana — 2025-yil 28-noyabr. Ammo Vashington ushbu muddatni qisqartirish bo‘yicha ishlar olib bormoqda, deyiladi xabarda.

Ayni vaziyatda NATO Ukraina armiyasi tomonidan foydalanilayotgan sovet davriga oid qurol-yarog‘lar tizimiga mablag‘ kiritish variantlarini ko‘rib chiqmoqda. Bu haqda AQSH Davlat departamenti rahbari Entoni Blinken CNN’ga ma’lum qildi.

Zelenskiy Ilon Maskni Ukrainaga taklif qildi

Ukraina prezidenti Vladimir Zelenskiy amerikalik biznesmen Ilon Maskni mamlakatga tashrif buyurib, shundan keyin nizoni qanday tugatish haqida taklif berishga chaqirdi. “Ukrainaga keling… Shundan keyin bizga bu urushni qanday tugatish haqida, uni kim boshlagani va qachon yakunlash mumkin bo‘lishi haqida aytib berasiz”, — dedi u The New York Times gazetasi tomonidan tashkillashtirilgan kitob forumidagi nutqi chog‘ida.

Shu tariqa Zelenskiy jurnalist tomonidan Ilon Maskning Ukrainadagi nizoni hal qilish haqidagi taklifini izohlash haqida berilgan savolga javob qildi. Amerikalik biznesmen Ukrainadagi ziddiyat Qrimning Rossiya tarkibida qolishi va Moskva mamlakatning neytral maqomiga erishishi bilan tugashini aytgandi.

Rossiya Tashqi ishlar vazirligi rasmiy vakili Mariya Zaxarova o‘shanda Maskning bu taxminlarini dunyo jamoatchiligi orasida bo‘layotgan muhokamalarning bir qismi deb atagandi.

Ukraina Oliy radasi matbuot xizmati Maskka “Yo‘q” deb javob berdi. Ukraina ichki ishlar vaziri sobiq o‘rinbosari Anton Gerashchenko postga yozgan javobida bunday shartlar bilan bitim tuziladigan bo‘lsa, “Rossiya o‘ziga Alyaskani qaytarib olishi kerak”ligini ta’kidlagandi.

Rossiyaning agressiv jinoyatlarini tekshirish bo'yicha maxsus tribunal yaratiladimi?

Fransiya Yevropa va ukrainalik hamkorlari bilan birgalikda Rossiyaning Ukrainadagi “agressiv jinoyatlari” bo‘yicha maxsus tribunal yaratish ustida ish boshladi. Bu haqda Fransiya tashqi ishlar vazirligi saytida xabar berildi.

Rossiya agressiyasidan keyin Ukrainada sodir etilgan jinoyatlar jazosiz qolishiga qarshi kurashish Fransiya uchun ustuvor vazifa. Biz Ukraina adliya tizimini ham ushbu jinoyatlarning aybdorlarini javobgarlikka tortish uchun xolis va mustaqil tergov o‘tkazishga qodir bo‘lgan Xalqaro jinoiy sudni qo‘llab-quvvatlash uchun safarbar etdik, — deyiladi xabarda.

30-noyabr kuni Yevrokomissiya rahbari Ursula fon der Lyayyen Rossiyaning Ukrainadagi harakatlarini tekshirish uchun BMT ko‘magida maxsus tribunal tashkil etishni taklif qilgandi.

Rossiyaning BMTdagi doimiy vakili Vasiliy Nebenzya tribunal tashabbusini “o‘z qonunbuzarligini yashirishga urinish” va “BMT nufuzi ortiga bekinish” deb atadi.

Rossiyaning BMT Jeneva shtab-kvartirasidagi doimiy vakili Gennadiy Gatilovning ta’kidlashicha, tribunalni tashkil etish uchun bu tashabbus BMT Xavfsizlik Kengashida ma’qullanishi kerak.

O‘zbekiston Jahon savdo tashkilotiga a’zo bo‘lish harakatida. Buning uchun qanday talablarga javob berish kerak?

Hozirda O‘zbekiston Jahon savdo tashkilotiga (JST) a’zo bo‘lish uchun faol muzokaralar olib bormoqda. Bu haqda Investitsiyalar va tashqi savdo vazirligi bosh mutaxassisi Alijon Aliyev “Daryo”ga bergan intervyusida ma’lum qildi.

JSTga qo‘shilish uchun milliy qonunchilikka bir qator o‘zgartirishlar kiritish, iqtisodiy tarmoqlarni rivojlantirish uchun qator ilmiy tadqiqot ishlarini olib borish zarur.

JSTga a’zo bo‘lish orqali bizda yangi turdagi mahsulotlarni yetishtirish imkoniyati paydo bo‘ladi. Turli sohalarda xorij tajribasini kengroq o‘rganish investitsion muhitni yaxshilashga, eksport bozorlarimizni diversifikatsiya qilishga katta yordam beradi.

JSTga a’zo bo‘lish bo‘yicha aniq bir vaqtni taxmin qilish qiyin. Chunki bu tashkilotga faqatgina muzokaralar orqaligina qo‘shila olamiz. Hozir O‘zbekiston faol muzokaralar jarayonida.“Hozirda JSTga 164 ta davlat a’zo. Bu tashkilotga 3 tasnif asosida, ya’ni rivojlangan, rivojlanayotgan va eng kam rivojlangan davlatlar maqomida qo‘shilish mumkin. Biz rivojlanayotgan davlat maqomida qo‘shilishga intilyapmiz.

Bunda bizga qator imkoniyatlar ochiladi. Masalan, o‘tish davriga uzoqroq vaqt beriladi. JSTga qo'shilsak, Xalqaro qarorlar qabul qilishda O‘zbekiston ovozi ham inobatga olinadi”, – deydi vazirlik vakili.

Investitsiyalar va tashqi savdo vaziri o‘rinbosari Badriddin Obidov aytishicha, so‘nggi 3 yil ichida O'zbekiston JSTga a’zo bo‘lishga qaratilgan faoliyatni qayta tiklagan.

Izoh
Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?