Zelenskiy Ilon Maskni Ukrainaga taklif qildi

Ukraina prezidenti Vladimir Zelenskiy amerikalik biznesmen Ilon Maskni mamlakatga tashrif buyurib, shundan keyin nizoni qanday tugatish haqida taklif berishga chaqirdi.

“Ukrainaga keling… Shundan keyin bizga bu urushni qanday tugatish haqida, uni kim boshlagani va qachon yakunlash mumkin bo‘lishi haqida aytib berasiz”, — dedi u The New York Times gazetasi tomonidan tashkillashtirilgan kitob forumidagi nutqi chog‘ida.

Shu tariqa, Zelenskiy jurnalist tomonidan Ilon Maskning Ukrainadagi nizoni hal qilish haqidagi taklifini izohlash haqida berilgan savolga javob qildi. Amerikalik biznesmen Ukrainadagi ziddiyat Qrimning Rossiya tarkibida qolishi va Moskva mamlakatning neytral maqomiga erishishi bilan tugashini aytgandi.

Nizoni hal qilishning bunday versiyasini Mask oktabr boshidayoq taklif etgandi. “Katta ehtimol bilan oxir-oqibat yakun shunaqa bo‘ladi. Masala esa faqat ungacha qancha odam halok bo‘lishidan iborat”, — deb yozgandi u Twitter’da.

Rossiya Tashqi ishlar vazirligi rasmiy vakili Mariya Zaxarova o‘shanda Maskning bu taxminalrini dunyo jamoatchiligi orasida bo‘layotgan muhokamalarning bir qismi deb atagandi.

Ukraina Oliy radasi matbuot xizmati Maskka “Yo‘q” deb javob berdi. Ukraina ichki ishlar vaziri sobiq o‘rinbosari Anton Gerashchenko postga yozgan javobida bunday shartlar bilan bitim tuziladigan bo‘lsa, “Rossiya o‘ziga Alyaskani qaytarib olishi kerak”ligini ta’kidlagandi.

Ukrainaning Germaniyadagi sobiq elchisi Andrey Melnik Maskning gaplariga javoban, unga “tuyog‘ini shiqillatishi”ni aytdi.

Maskning postlari Twitter foydalanuvchilarining ham keskin munosabatiga sabab bo‘ldi, Tesla aksiyalari 9 foizga tushib ketdi. Zelenskiy foydalanuvchilarga ularga qanaqa Mask yoqishini tanlashni taklif qildi: “Ukrainani qo‘llab-quvvatlaydiganmi yoki Rossiya tarafdori bo‘lganmi?”, aksariyat birinchi variantni tanladi.