Bugun,

  • USD 11095.31
  • RUB 173.84
  • EUR 10772.44

O‘zbekistondagi aksariyat avtomobil yo‘llari bundan 40-50 yil ilgari qurilgan bo‘lib, ular hozirgi talabga javob bermayapti. Bu haqda senator Qutbiddin Burhonov “Daryo” muxbiriga bergan intervyusida aytib o‘tdi.

Qutbiddin Burhonov 

Qutbiddin Burhonov 
Foto: “Daryo”

Qutbiddin Burhonovning ta’kidlashicha, yuzaga kelayotgan tirbandliklarning asosiy sabablaridan biri yo‘llar eskirgani bilan bog‘liq.

Tan olish kerak, tirbandlik muammosi bor. Ayniqsa, Toshkent shahrida tirbandlik masalasi juda kuchayib ketdi. Nafaqat Toshkentda, balki viloyatlar markazlarida ham mazkur muammo tobora avj olmoqda.

Ko‘p yo‘llarimiz Sovet davrida loyihalashtirilgan. Ya’ni ular 40-50 yil avval qurilgan yo‘llardir. Avtomobillar esa kundan kunga rivojlanmoqda. O‘zbekistonda ilgari hech qanaqa avtomobil zavodi yo‘q edi. Bugun bir nechta zavodlar yengil va yuk avtomobillarini ishlab chiqarmoqda. Demoqchimanki, avtomobil nihoyatda ko‘payib boryapti. Bundan tashqari, yo‘llarda og‘ir texnikalar, traktorlar ham harakatlanadi. Shuning uchun yo‘llarimiz bugungi talab darajasiga javob bermayapti. Buni ochiq tan olishimiz kerak.

Lekin hukumat tomonidan bu borada chora-tadbirlar ko‘rilyapti. Yo‘llarni kengaytirish, kelajakda 50 yilni hisobga olib yo‘l qurishga e’tibor berilmoqda. Shaharlarda esa imkon darajasida binolarga yaqin bo‘lmagan yo‘llar kengaytirilmoqda.

Avvalroq Qutbiddin Burhonov respublikada o‘tgan 10 oyda yuz bergan YTHlar oqibatida 1 ming 931 nafar fuqaro halok bo‘lgani, shuning 226 nafarini yosh bolalar tashkil etganini aytgandi. Shuningdek, senator maktablarda o‘quvchilarga yo‘l harakati qoidalarini o‘rgatish talab darajasida emasligini ta’kidlagan.

Izoh
Asosiy yangiliklar
Sport
Entoni Joshuaning navbatdagi raqibi va jangi sanasi ma’lum bo‘ldi
Iqtisodiyot
Uzbekistan Airways Nyu-Yorkka parvozlar uchun 20 foizlik chegirma e’lon qildi
Iqtisodiyot
O‘zbekistonda 2023-yilda inflyatsiya 8,5—9,5 foiz atrofida bo‘lishi kutilmoqda