Peskov Rossiya va Turkiya o‘rtasidagi kelishmovchilik haqida gapirdi
Rossiya va Turkiyaning Suriya bo‘yicha pozitsiyalarida farq bor. Bu haqda Kreml matbuot kotibi Dmitriy Peskovga tayanib, “RBK” xabar berdi.
Peskovning so‘zlariga ko‘ra, o‘zaro hurmat va tushunish mazkur muammolarni muloqot jarayonida hal qilish imkonini beradi. Kreml rasmiysi Turkiya bilan avvalgi kelishmovchiliklar Sochida hal qilingani, biroq keyinchalik Turkiya va Rossiya majburiyatlarning bajarilishini tanqid qilganini aytdi.
“Bizning munosabatlarimiz darajasi va siyosiy donoligimiz barcha kelishmovchiliklarni qarama-qarshilik yo‘li bilan emas, balki keskin, uzoq bo‘lsa-da, muzokaralar yo‘li bilan hal qilish imkonini beradi”, — deydi Peskov.
U mamlakatlar o‘rtasidagi munosabatlarni “hatto shunday og‘ir vaziyatlarda ham” muhokama qilish uchun yaxshi asos deb atagan.
Turkiya prezidenti Rajab Toyyib Erdo‘g‘on 20-noyabr kuni Suriya va Iroq shimolida Kurdiston ishchilar partiyasiga qarshi operatsiya o‘tkazishga buyruq berdi. Bundan oldin Istanbul markazida terakt sodir bo‘lib, 6 kishi halok bo‘ldi, 81 kishi yaralandi. Anqara sodir bo‘lgan voqealarda Kurdiston ishchilar partiyasini aybladi, tashkilot esa ayblovlarni rad etdi.
Shundan so‘ng Erdo‘g‘on Suriya shimolidagi amaliyot Rossiyaning o‘z majburiyatlarini bajarmagani uchun boshlanganini tushuntirdi.
“Ular hududni terrorchilardan tozalashga majbur edi. Afsuski, bu haqda ko‘p marta eslatgan bo‘lsak ham, buni amalga oshirishmadi. Bu borada jim turmasligimizni, terroristlarga qarshi chora ko‘rishimizni aytdik”, — dedi u.
Shu bilan birga, Suriya rasmiylari respublika suvereniteti buzilganiga ishora qilib, kelishuvlarni buzganlik sababli qarshi ayblovlar ilgari surdi.
Mavzuga doir:
- Rossiya Turkiyani Suriya va Iroqqa zarba berishdan tiyilishga chaqirdi
- Turkiya Suriya va Iroqdagi operatsiyalar doirasida 184 kishi o‘ldirilganini ma’lum qildi
- Turkiya Suriyada quruqlik operatsiyalarini boshlashi mumkin
