Birlashgan Arab Amirliklari (BAA) havo yo‘llari bilan sayohat qilayotgan yo‘lovchilarning pasportlarida ism va familiyalarini ko‘rsatishni talab qiluvchi yangi direktiva chiqardi.
Bu mamlakatga kirayotgan va undan chiqib ketayotganlarga ham tegishli. Pasportida faqat ism keltirilgan sayohatchilarga Amirliklarga kirish taqiqlanadi. Yangi qoidalar BAAda ish va yashash vizalariga ega bo‘lgan shaxslarga taalluqli emas. Qoidalar turistik, shuningdek, kelish vaqtida beriladigan vizaga nisbatan qo‘llaniladi.
Avval xabar qilinganidek, BAAga kelgan sayohatchilar reysga chiqish uchun endi emlanganlik sertifikati yoki PZR testi natijasini taqdim etishi shart emas. 11-noyabrdan boshlab BAAga kirish uchun turistik yoki mehmon vizasi bo’lgan yo’lovchilar borish va qaytish aviachiptalariga ega bo’lishi kerak.
Izoh (0)