Bugun,

  • USD 11095.31
  • RUB 173.84
  • EUR 10772.44

O‘zbekiston Istiqbolli loyihalar milliy agentligi tomonidan kripto-do‘kon faoliyatini amalga oshirish uchun “Crypto Express”ga litsenziya berildi. Bu haqda agentlik matbuot xizmati ma’lum qildi.

Foto: Bloomberg

Foto: Bloomberg

Tegishli ma’lumotlar litsenziyalarning elektron reyestriga belgilangan tartibda kiritilgan. Ular agentlikning rasmiy veb-sahifasida foydalanish uchun ochiq hisoblanadi.

Avvalroq O‘zbekistonda kripto-do‘kon faoliyatini amalga oshirish uchun birinchi litsenziyalar berilgani haqida xabar berilgandi.

Ushbu birinchi litsenziyalar “Crypto Trade NET” va “Crypto Market”larga berilgan.

3-noyabrda O‘zbekistonda kripto-do‘kon faoliyatini tashkil etish tartibi belgilangandi.

Kripto-do‘kon faoliyatini amalga oshirish qoidalari Adliya vazirligida davlat ro‘yxatidan o‘tkazildi.

Qayd etilishicha, mazkur qoidalar kripto-do‘kon faoliyatini tashkil etish va amalga oshirish tartibini belgilaydi.

Kripto-do‘kon o‘z faoliyatini kripto-do‘konning elektron platformasi yoki savdo obyekti orqali amalga oshiradi. Kripto-do‘konda quyidagi operatsiyalar amalga oshiriladi.

Kripto-do‘konning elektron platformasi orqali:

  • jismoniy shaxslar tomonidan bank o‘tkazmalarini amalga oshirish orqali kripto-aktivlarni milliy valyutada sotib olish yoki sotish;
  • chet ellik jismoniy shaxslar tomonidan bank o‘tkazmalarini amalga oshirish orqali kripto-aktivlarni xorijiy valyutada sotib olish yoki sotish;

Kripto-do‘konning savdo obyekti orqali:

  • jismoniy shaxslar tomonidan bank o‘tkazmalarini amalga oshirish orqali kripto-aktivlarni milliy valyutada sotib olish;
  • mijozlar tomonidan kripto-aktivlarni naqd pul ko‘rinishida milliy yoki xorijiy valyutada sotib olish;
  • mijozlar tomonidan kripto-aktivlarni faqat milliy valyutada sotish.

Kripto-do‘konda quyidagi operatsiyalarni amalga oshirish taqiqlanadi:

  • majburiy identifikatsiyadan o‘tkazilmagan mijozlar bilan amalga oshiriladigan operatsiyalar;
  • O‘zbekiston rezidentlari tomonidan chiqarilgan kripto-aktivlar bilan operatsiyalar;
  • anonim kripto-aktivlar hamda o‘zaro o‘zgarmas tokenlarni sotib olish yoki sotish operatsiyalari.

Izoh
Asosiy yangiliklar
Mahalliy
AOKA “Human.uz” jurnalistlari bilan bog‘liq holat yuzasidan munosabat bildirdi 
Mahalliy
O‘zbekistonda chiqindi gazidan elektr ishlab chiqarish yo‘lga qo‘yiladi 
Dunyo
Putin yo‘qotishlarga qaramay, bahorda Ukrainaga qarshi yangi hujumni rejalashtirmoqda — Bloomberg