Latte yoki amerikano: Mashhurlar qanday qahvalarni xush ko‘radi?
Tongni o‘zingizga yoqqan qahva bilan boshlash o‘zgacha kayfiyat beradi. Har kim o‘ziga yoqqan qahvani ichadi, kimgadir latte xush ko‘rsa, kimgadir amerikano, yana kimgadir kappuchino yoqadi. Marie Claire nashri mashhurlarning qanday qahvani iste’mol qilishi haqida ma’lumot berdi.
Model Jiji Hadid hayotini yalpizli lattesiz tasavvur olmaydi. Yalpizli lattelar yaqin atrofdagi qahvaxonalardan topilmasa, Jiji juda hayajonlanadi va o‘zining bezovtaligini ijtimoiy tarmoqlarda baham ko‘radi.
Aktrisa Nikol Kidman kappuchinoni yaxshi ko‘radi. U baristadan kofeni maksimal darajada ko‘pikli va minimal suyuqlik bilan aralashtirishini so‘raydi, biroq aktrisa Heyden Panettyeri ko‘pincha vanilinli yog‘siz masala choyini iste’mol qiladi.
Teylor Svift karamelli latteni juda yaxshi ko‘radi. Dunyo bo‘ylab gastrollarda xonanda bir narsani: bir porsiya muzli karamelli latte va ikkita paketchada shakar shuningdek, katta stakanda muzli amerikano kofesini har doim o‘zi bilan olib yuradi.
Keti Xolms ham latteni yoqtiruvchi aktrisalardan biri. Baristaning so‘zlariga ko‘ra, Tom Kruzning sobiq rafiqasi odatda soya suti ichimligining katta porsiyasini buyurtma qiladi.
Aktrisa Riz Uizerspun Xolms bir xil kofeni ichadi, faqat Riz ko‘p hollarda bodom suti qo‘shilgan latteni xarid qiladi.
Aktrisa Rene Zellveger ko‘piksiz yog‘siz issiq latteni sevib iste’mol qiladi.
“Biz band ayollarga ertalab kofe lozim. Mening kunim latte ichmagunimcha boshlanmaydi”, — deydi Xaydi Klum.
Meri-Keyt Olsen ham vanilinli, kam yog‘li, shakarsiz latteni afzal ko‘radi.
Besh qizini dunyoga mashhur multimillioner qilib tarbiyalagan Kris Jenner esa soyali latteni ichishni yoqtiradi. Uning qizi Kim Kardashyan ham soyani yaxshi ko‘radi, biroq u ziravorlar qo‘shilgan kofe ichadi. Aktrisa Ariana Grande ham Kris Jenner va Kim Kardashyan kabi latte ichishni ma’qul ko‘radi.
Keti Perri bir marta Chikagodagi gastrol paytida mahalliy qahvaxonaga kirib sendvich bilan soyali vanilinli latte buyurtma qilgan.
Madonna ham kofeni yoqtiradi, u ijtimoiy tarmoqlardagi postida kapuchino chashkasi va uning kremidagi “yuzi” aks etgan suratni e’lon qilib “Qahva uchun yashash” deb izoh qoldirgan.
Mashhur tennis ustasi Serena Uilyams nafaqat ertalab, balki mashaqqatli o‘yin paytida ham bir chashka espresso ichadi.
Britaniyalik xonanda Viktoriya Bekxem ham ertalabki mashg‘ulotdan oldin espresso ichishni afzal ko‘radi. U intervyulardan birida o‘z layfxaki bilan o‘rtoqlashgan: ziyofatlarda u bir stakan sharob o‘rniga kofe donalarini yeydi.
Xonanda Mayli Sayrus vegetarian, biroq u ham qaymoqsiz kofe-mokkoni rad etmaydi.
Model El Makferson o‘z parhezini diqqat bilan kuzatib boradi va tarkibida kofein mavjud bo‘lgan mahsulotlarni yemaslikka harakat qiladi, biroq u intervyularning birida ertalab ikki porsiya espresso ichishini aytgan.
Mavzuga doir:
- “Yetarlicha ideal emas”: tashqi ko‘rinishi tufayli kastingdan o‘tolmagan mashhurlar (foto).
- Ishdan haydalgan Madonna, uxlab qolgani uchun aktrisa bo‘lgan Meril Strip, uyida sher va fil boqqan Melani Griffit — mashhurlar haqida siz bilmaydigan qiziqarli faktlar.
- Mashhurlar qanday uylarda yashaydi? Eng zamonaviy uylarning betakror interyerlari.
- Maykl Jekson, Nikolas Keyj va boyligini birdaniga yo‘qotib, kambag‘alga aylangan boshqa badavlat mashhurlar (foto).
