Mashhurlarning ko‘plari hozirgi mavqeyiga yetib kelishi uchun juda ko‘p mehnat qilgan, hatto ayrimlarining qilmagan ishlari qolmagan.
Emili Blant
Emili Blant duduqlangan, shuning uchun u bolaligida tengdoshlari bilan muloqot qilishda katta muammolarga duch keladi. O‘z fikrini ifoda eta olish uchun qiz maktab teatridagi darslar yordamida kamchiligidan xalos bo‘lishga qaror qiladi — natijada urg‘u bilan gapirishga harakat qila boshlaydi. Vaqt o‘tishi bilan izlanuvchan san’atkorning irodasi va mehnatsevarligi uning iste’dodini namoyon etishiga, yaxshi aktrisalik mahoratini shakllantirishiga yordam beradi.
Natali Portman
Natali Portman roli uchun qo‘lidan kelganini qiladi: ajoyib rollaridan biriga tayyorlanar ekan, aktrisa hatto balet kurslariga qatnagan va haftasiga 6 kun 5 soatdan mashg‘ulot o‘tkazgan. Mehnatga bunday mas’uliyat bilan munosabatda bo‘lish natijasi uzoq kuttirmaydi: aktrisa “Qora oqqush” filmidagi roli uchun eng yaxshi aktrisa nominatsiyasida “Oskar” oltin statuetkasi bilan taqdirlandi.
Gordon Ramzi
Eng mashhur oshpazning kundalik tartibi ko‘pchilikni dahshatga soladi: Gordon kuniga 3 soat uxlaydi va ko‘p vaqtini ishga bag‘ishlaydi. Ammo teleboshlovchi shikoyat qilishni xayoliga ham keltirmaydi.
Ledi Gaga
Ledi Gaga o‘z ishini shunchalik yaxshi ko‘radiki, hatto sport mashg‘ulotlarida ham chiqishlarni mashq qiladi va qo‘shiq aytadi. Bunday tayyorgarlik san’atkorga hamma narsani nazorat ostida ushlab turishga yordam beradi: ijrochi o‘zining namoyishlari faqat ularga nisbatan talabchan munosabati tufayli mukammal bo‘lishiga ishonadi.
Jennifer Lopes
Jey Loning iste’dodi ko‘p qirrali: u nafaqat qo‘shiqchi va aktrisa, balki raqqosa, teleko‘rsatuv boshlovchisi va prodyuseri sifatida ham tanilgan. Biroq Jenniferning mashhurligi uning mashaqqatli mehnati va ko‘p qiyinchiliklari natijasidir. Masalan, bolalikdagi orzusini ro‘yobga chiqarish uchun Lopes o‘smirlik chog‘ida onasidan yashirincha raqs maktabiga borgan, ba’zan u yerda tunab ham qolgan.
Jerar Depardye
Gollivudda aktyor 200 dan ortiq filmlarda suratga tushishga muvaffaq bo‘lgan. Bunday samaradorlik hayratlanarli va Depardyeni sayyoradagi eng mehnatkash aktyorlardan biri deb atash mumkin.
Gvinet Peltrou
Gvinet Peltrou nafaqat aktrisa, balki muvaffaqiyatli tadbirkor hamdir. U oziq-ovqat, kiyim-kechak, sayohat va shaxsiy parvarishlash bo‘yicha ixtisoslashgan yuqori darajadagi Goop onlayn portalining yaratuvchisi hisoblanadi.
Opra Uinfri
Qattiq mehnat va iste’dod Opra Uinfrini sayyoradagi eng mashhur xalqaro va eng ko‘p maosh oluvchi teleboshlovchilardan biriga aylantirdi. Hayotidagi qayg‘uli voqealarga qaramay (yangi tug‘ilgan chaqalog‘i 2 haftadan so‘ng vafot etgan), Opra nafaqat shaxsiy rivojlanishiga e’tibor qaratdi va kollejni a’lo baholar bilan tugatdi, balki muvaffaqiyatli karyera ham qurdi.
Jennifer Eniston
Jennifer Eniston ham juda mehnatkash: televideniyedagi faoliyatini boshlashdan oldin u telemarketolog va hojatxonada farrosh bo‘lib ishlagan. Yulduzning so‘zlariga ko‘ra, u juda yoshligida cho‘ntak pulini mutlaqo mustaqil ravishda ishlab topgan.
Eshton Kutcher
Bugungi kunda Eshton Kutcher — taniqli aktyor, tadbirkor va prodyuser. Uning energiyasi kollejda o‘qiyotganda namoyon bo‘lgan: o‘shanda ham darslardan keyin Eshton limonad zavodida farrosh bo‘lib ishlagan. Korxonada o‘qish va ishlashni birlashtirish uchun bo‘lajak aktyor tungi smenada mehnat qilgan.
Mavzuga doir:
Izoh (0)