Bugun,

  • USD 11095.31
  • RUB 173.84
  • EUR 10772.44

Sovuq mavsumda poyabzal tanlashga ehtiyotkorlik bilan yondashish kerak. Ular nafaqat zamonaviy va issiq, balki qulay bo‘lishi ham kerak. Marie Claire nashri ortoped-travmatologlar tomonidan qanday poyabzal modellari sog‘liq uchun xavfli deb topilganini ma’lum qildi.

Foto: Marie Claire

Foto: Marie Claire

Botinkalar yoki poshnali etiklar qish uchun yaxshi tanlov emas. 4 santimetrdan baland poshnalarda yurish qishda oyoqlarga shikast yetkazishi mumkin. Gap shundaki, baland poshnalar og‘irlik markazini siljitadi.  Qishda qor yog‘sa, yerlar muzlaydi, natijada oyoqning qayrilishi va sirpanishi xavfi ortadi. O‘zni ehtiyotlab yurish esa mushaklarni ko‘proq zo‘riqtiradi. Qishda jarroh va travmatologlar ko‘rigida jarohatlanganlar soni sezilarli darajada oshadi.  Muz ustiga yiqilish oddiy ko‘karishdan tortib, lat yeyish va sinishgacha bo‘lgan turli xil jarohatlarga olib kelishi mumkin.

Foto: Marie Claire

Foto: Marie Claire

Oyoq kiyim tanlashda taglikning tarkibiga e’tibor berish kerak. Poliuretandan tayyorlanganlar yog‘och tagliklar nafaqat muzda, balki yomg‘irli havoda ham sirg‘alishi mumkin. 20 dan past haroratlarda umuman yorilish xavfi mavjud. Sirg‘alishning oldini olish uchun poyabzal tagligi tarkibida kauchuk bo‘lishi kerak. Materialdan tashqari, taglikning tuzilishi ham muhim, u tekis va silliq bo‘lmasligi lozim.

Foto: Marie Claire

Foto: Marie Claire

Yupqa taglikli poyabzallar oyoqning suyaklariga ta’sir qiladi va uning zo‘riqishiga olib kelishi mumkin. Agar ortiqcha vazn mavjud bo‘lsa, bu, albatta, yuz beradi. Yupqa taglikli poyabzal kiyish oqibatlarini jarrohlik yo‘li bilan davolash kerak. Bundan tashqari, yupqa taglik sovuqdan himoya qilmaydi. Oyoq kiyimdan suv o‘tish xavfi mavjud.

Foto: Marie Claire

Foto: Marie Claire

Tabiiy teridan tikilgan poyabzal havo o‘tkazadi: bu qulay mikroiqlimni, to‘g‘ri harorat rejimini yaratadi va terining mikroflorasini buzmaydi. Kauchuk yoki poliuretan kabi sintetik materiallar bu xususiyatlarga ega emas. Sintetik poyabzallarning “nafas olishi” uchun ularda maxsus qo‘shimchalari bo‘lishi kerak. Havo o‘tkazmaydigan materiallar issiqxona effektini yaratadi, ulardagi oyoqlar terlaydi, qizib ketadi yoki aksincha, muzlaydi. Bunday poyabzallarni uzoq vaqt kiyish oyoqlarning sog‘lig‘iga salbiy ta’sir qiladi.

Foto: Marie Claire

Foto: Marie Claire

To‘piqlarning shikastlanishiga yo‘l qo‘ymaslik uchun yuqori qismi mustahkam etik kiyish tavsiya etiladi. Shuning uchun krossovka, past va boshqa har qanday noqulay poyabzal qish uchun yaxshi tanlov emas. Yuqori qismi mustahkam poyabzalda oyoqqa yuk to‘g‘ri taqsimlanishi uchun tovon ham yaxshi joylashishi kerak.

Foto: Marie Claire

Foto: Marie Claire

Uggi va baland poshnali botinkalar garchi nafas oladigan materialdan tayyorlangan bo‘lsa-da, ehtiyotkorlik bilan kiyish kerak. Gap shundaki, ular to‘piq va tovonni mahkam tutmaydi, oyoq ularda osilib turadi, bu esa mushaklarning doimiy zo‘riqishiga olib keladi. Ular ko‘proq quruq va ish joylarida uzoq o‘tirish yoki tik turish uchun mos. Qish mavsumida yo‘lda ko‘proq harakatlanuvchilar uchun bu kabi etiklarni kiyish tavsiya etilmaydi.

Izoh
Asosiy yangiliklar
Dunyo
“Ukrainadagi urushni Rossiya boshlamagan” — Putin (video)
Mahalliy
O‘zbekistonda davlat tashkilotlari mashinalariga gaz quyish vaqtincha taqiqlandi
Mahalliy
Toshkentda Cobalt yo‘ldan o‘tayotgan ona-bolani urib yubordi (video)