Bugun,

  • USD 11095.31
  • RUB 173.84
  • EUR 10772.44

Shimoliy Koreya yetakchisi Kim Chen Inning singlisi, Koreya Mehnat partiyasi Markaziy qo‘mitasi rahbari o‘rinbosari Kim Yo Chjon Janubiy Koreya hukumatini “ovsarlar” deb atadi. Uning rasmiy bayonotini Koreya Markaziy telegraf agentligi e’lon qildi.

Foto: “Globalnews.ca”

Foto: “Globalnews.ca”

Kim Yo Chjonning bunday keskin iboralarni qo‘llashiga Seulning KXDRga qarshi yangi sanksiyalar kiritish haqidagi da’vatlari sabab bo‘ldi. “Agar ular yuzaga kelgan xavfli vaziyatdan sanksiyalar yordamida chiqib keta olamiz, deb o‘ylayotgan bo‘lsa, unda ular dunyoda bemalol yashash yo‘lini bilmaydigan ovsarlar bo‘lsa kerak”, —dedi Kim Chen Inning singlisi.

Shuningdek, Kim Yo Chjon Janubiy Koreya aholisi qanday qilib “prezident Yun Sok Yol va uning ovsarlari xavfli vaziyatni yuzaga keltirishda davom etayotgan bu rejimga nibsbatan loqayd bo‘lib qolayotgani”dan hayratga tushdi.

Janubiy Koreya hukumati Kim Yo Chjonning bayonotini “beadab iboralar” uchun tanqid qildi va uning xatti-harakatlarini “juda xunuk” deb atadi.

So‘nggi haftalarda Pxenyan keng ko‘lamli ballistik raketalar sinovini qayta boshlagani sababli, Koreya yarim orolidagi vaziyat sezilarli darajada keskinlashdi. “Ryonxap” ma’lumotlariga ko‘ra, noyabr oyining o‘zida KXDR kamida 30 ta raketa uchirgan.

Raketa sinovlari tufayli oktabr oyida Janubiy Koreya besh yil ichida birinchi marta KXDR yuqori mansabli amaldorlari va tashkilotlariga nisbatan bir tomonlama sanksiyalar kiritdi.

AQSH va Janubiy Koreya BMT Xavfsizlik kengashi darajasida ham KXDRga qarshi yangi sanksiyalarga erishishga urinmoqda. Ammo bu urinishlarga Rossiya va Xitoy tomonidan to‘sqinlik qilinmoqda.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi