Bugun,

  • USD 11095.31
  • RUB 173.84
  • EUR 10772.44

Shavkat Mirziyoyevning tegishli farmonlari bilan G‘ofurjon Mirzayev prezidentning davlat xizmati, aholi bilan muloqot va mahalliy hokimiyat organlari faoliyatini muvofiqlashtirish masalalari bo‘yicha maslahatchisi lavozimiga tayinlandi. Bu haqda Sherzod Asadov xabar berdi.

Foto: “Daryo” / Madina Nurman

Foto: “Daryo” / Madina Nurman

Shu munosabat bilan u Sirdaryo viloyati hokimi lavozimidan ozod etildi.

Ma’lumot uchun, Mirzayev G‘ofurjon G‘aniyevich 1964-yil 21-aprelda Farg‘ona viloyatida tug‘ilgan. 1990-yilda Toshkent politexnika institutini muhandis-elektrik mutaxassisligi bo‘yicha tamomlagan. 2000-yilda Toshkent davlat iqtisodiyot universitetini (sirtqi) iqtisodchi mutaxassisligi bo‘yicha bitirgan.

G‘ofurjon Mirzayev

  • 1990—1994-yillarda Bog‘dod don mahsulotlari kombinati sozlovchisi, avtomatika muhandisi, rais o‘rinbosari;
  • 1994—1997-yillarda Bog‘dod tumani hokimining qurilish, sanoat, transport va aloqa masalalari bo‘yicha o‘rinbosari;
  • 1997—1998-yillarda O‘zdonmahsulot davlat aksiyadorlik korporasiyasi qurilish, yangi texnologiyalar va modernizasiya bosh boshqarmasi boshlig‘i;
  • 1998—2000-yillarda Don mahsulotlari ishlab chiqaruvchilarining Farg‘ona aksiyadorlik uyushmasi raisi;
  • 2000—2003-yillarda O‘zdonmahsulot davlat aksiyadorlik korporasiyasi qurilish, yangi texnologiyalar va modernizasiya bosh boshqarmasi boshlig‘i;
  • 2003—2011-yillarda Prezident devoni Tashkiliy-nazorat xizmati hududiy organlar bilan ishlash guruhi yetakchi inspektori;
  • 2011-yilda qisqa muddat Prezident devoni Tashkiliy-kadrlar xizmati davlat hokimiyati hududiy organlari sho‘basi yetakchi inspektori;
  • 2011—2016-yillarda Prezident devoni Tashkiliy-kadrlar xizmati davlat hokimiyati hududiy organlari sho‘basi bosh inspektori lavozimlarida faoliyat olib borgan.
2016-yildan Sirdaryo viloyati hokimi vazifasiga kirishgan. 2020-yilda Sirdaryo viloyati hokimi lavozimiga qayta tasdiqlangan. 2020-yildan beri u Oliy Majlis Senati a’zosi ham sanaladi.

Mavzuga doir: Ruslanbek Davletov prezident maslahatchisi bo‘ldi

Izoh
Asosiy yangiliklar
Dunyo
Suriyadagi kurdlar Rossiyadan hududlarini himoya qilishda yordam so‘radi
Mahalliy
O‘zbekistonda 2023-yilda meva va sabzavotlar narxi jiddiy o‘sishi kutilmoqda
Dunyo
Kim Chen Ir topshirig‘i bilan uyushtirilgan terakt, samolyot boshqarib halokatga uchragan “Formula-1” chempioni va nemislar tomonidan qatl etilgan Kosmodemyanskaya...