Zamonaviy manikyur: tirnoqlarning chiroyli ko‘rinishini kamida bir hafta saqlab qolishga yordam beruvchi maslahatlar

Manikyur ideal ko‘rinishi uchun uni har hafta qaytadan qilish kerak. Biroq hamma ham bunday xarajatni ko‘tara olmaydi. Tirnoqlaringiz doimo chiroyli ko‘rinishga ega bo‘lishini xohlasangiz “Noviy ochag” nashri taqdim etgan ma’lumotlar bilan tanishing.

Kutikulalaringizga e’tibor bering

Kutikulalarni tiklovchi, yumshatuvchi moyni sotib oling va uni kamida har kuni tirnoqning chetiga surting. Yog‘ sekin so‘riladi, shuning uchun u uzoq vaqtni talab etadi. Agar siz moyni doimiy ravishda ishlatsangiz, kutikulaning holati sezilarli darajada yaxshilanadi, siz tirnoqlaringizdagi terining yallig‘lanmasligini sezasiz.

Hech qachon lakni qo‘llashdan oldin qo‘llaringizni moy qilmang

Hech narsa yog‘li bo‘lmasligi, tirnoqlar toza bo‘lishi kerak. Manikyur qilmoqchi bo‘lgan kuningiz yog‘li mahsulotlarni, shu jumladan qo‘l kremini umuman ishlatmaganingiz ma’qul. Yog‘ tirnoqlarga tushadi, lak qattiqlashadi, ya’ni u tezroq o‘chib ketadi.

Yumshoq pilka bilan ortiqcha terini olib tashlang

Tirnoqlar atrofidagi qo‘pol epidermisni yumshoq pilka yoki silliqlash uchun tekis baf bilan olib tashlashingiz mumkin. Bu terini tekislaydi va terining yallig‘lanish ehtimolini kamaytiradi. Bu ishni qilishdan oldin qo‘llaringizni ozgina bug‘lang.

Lak qo‘llashdan oldin tirnoqlaringizni yog‘dan tozalang

Buni lakni tozalash vositasi bilan qilishingiz mumkin. Tirnoqlaringizni lakni olib tashlaganingizdek paxtali yostiqcha bilan artib oling. Bu yerda hamma narsa oddiy bo‘yoq bilan bir xil: bo‘yash uchun sirt qanchalik puxta tayyorlangan bo‘lsa, u shunchalik uzoq saqlanib turadi.

Manikyurdan keyin qo‘lingizni issiq suvda yuvmang

Qoplama 12 soat ichida yaxshi quriydi. Agar siz lakning shishishi, yorilishi yoki unda qabariq bo‘lishini xohlamasangiz, yuqori harorat va uning keskin o‘zgarishidan saqlaning.

Har 2-3 kunda nozik himoya qatlamini qo‘llang

Himoya qatlamini qo‘llash lakning rangi yorqinroq bo‘lishiga va uning uzoqroq saqlanishiga yordam beradi.

Ikkita asosiy qatlamni qo‘llang

Birinchi qatlam tirnoq uchlariga, ikkinchisi butun tirnoqqa qo‘llanilishi mumkin. Mutaxassislar buni tirnoqlarning uchlaridagi lak ketib qolmasligi uchun qiladi.

Lakni qo‘llashdan oldin ozgina isitib oling

Agar qo‘llaringizga bir shisha lakni ishqalab, isitsangiz, uning harorati ko‘tariladi, lak sirt bo‘ylab bir tekis taqsimlanadi va uni qo‘llash osonroq bo‘ladi.

Lakni to‘g‘ri tanlang

Manikyuringiz uzoq vaqt davomida chiroyli ko‘rinishini xohlaysizmi? Matli lak turlarni tanlamang. Shuningdek, qurimaydigan, qalinlashuvchi va juda arzon laklardan foydalanmang. Eng chidamli laklar — professional kosmetika ishlab chiqarishga ixtisoslashgan kompaniyalarning mahsuloti bo‘ladi.

Mavzuga doir: 

• Xavfli manikyur: shellak qildirmaslik uchun 4 sabab.
• Uy sharoitida salondagi kabi manikyur qilish bo‘yicha 9 ta layfxak.
• Yozgi ta’til uchun ayni muddao bo‘lgan manikyur namunalari (foto).
• Mavsumiy tavsiya: kuzgi manikyur uchun trenddagi g‘oyalar.