Bugun,

  • USD 11095.31
  • RUB 173.84
  • EUR 10772.44

Deyarli har safar Yelizaveta II omma oldida ko‘rinish berganida, undagi ikkita narsa o‘zgarishsiz qolgan: yorqin rangdagi libos va unga mos shlyapa. Ma’lum bo‘lishicha, qirolicha 70 yillik hukmronlik davrida 5000 ga yaqin shlyapa kiygan. Xo‘sh, nima uchun bu bosh kiyimi qirolicha garderobining muhim qismiga aylangan? “Noviy ochag” nashri ushbu savolga javob berdi.

Foto: “Noviy ochag”

Foto: “Noviy ochag”

Ma’lum bo‘lishicha, qirolichada moda tendensiyalari bilan bog‘liq bo‘lmagan alohida sabab bor edi.

Yelizaveta II ning shlyapalarga bo‘lgan mehrini shu bilan izohlash mumkinki, hashamatli liboslar va garderob buyumlarining san’atkorona uyg‘unligiga ko‘ra, malika har gal omma oldiga chiqsa, o‘ziga xos uniforma kiygan.

Britaniyalik tarixchi Robert Leysi o‘zining “Qirollik uslubi haqida mulohazalar” (“HRH: So Many Thoughts on Royal Style”) kitobida buni shunday tushuntiradi. “Juda kam sonli zamonaviy ayollar ish kiyimining bir qismi sifatida shlyapa kiyadi, ehtimol, harbiy xizmatdagilardan tashqari. Shlyapa, o‘z navbatida, qirolicha xizmatda, ishda ekanini eslatadi.

Foto: “Noviy ochag”

Foto: “Noviy ochag”

— Shlyapa, tushunganingizdek, monarxning juda muhim kiyimi hisoblanadi. Aytish mumkinki, u tojning o‘rnini bosuvchi o‘ziga xos element edi”, — deya qo‘shimcha qiladi Leysi.

ABC News xabariga ko‘ra, Yelizaveta II ning rasmiy shlyapa tikuvchilaridan biri Freddi Foks qirolicha uchun yuzlab shlyapalar tikkan. Ular shunchalik ko‘p bo‘lganki, u faqat bosh kiyimlar o‘rin olgan alohida vagonda sayohat qilgan. “U o‘zini qulay his qiladigan va yaxshi ko‘rinishga ega narsalarni kiyadi. Axir bu energiyaga boy va mehnatsevar xonimning uniformasi edi”, — deydi Foks.

2016-yil suratga olingan “Qirolicha 90 yoshda” hujjatli filmida uessekslik Sofi nima uchun qaynonasi har doim yorqin rangli shlyapa kiyib yurishini ma’lum qildi. “Odamlar biz qirolichani ko‘rdik, deyishlari uchun u ajralib turishi kerak”, — deb tushuntirdi grafinya. Shuningdek, shlyapa qirolichaning bo‘yini balandroq qilib ko‘rsatishi, tadbirdagi barchaga uni ko‘rishni osonlashtirganini aytib o‘tgan.

Foto: “Noviy ochag”

Foto: “Noviy ochag”

Yelizaveta II ning ommaviy chiqishlarida juda ko‘p olomon bo‘lar va orqadagi odamlar qirolicha o‘tib ketayotganida uning shlyapasining kamida bir qismini ko‘rish imkoniga ega edi.

“Qirolicha dunyodagi eng badavlat ayollardan biri bo‘lishiga qaramay, u o‘zining sevimli shlyapalarini 20, hatto 30 marta kiygan, — deydi ingliz dizayneri Filip Somervill. — Biroq u yoqtirmagan narsalarini bir martadan ko‘p kiyishni xohlamagan”.

Izoh
Asosiy yangiliklar
Mahalliy
Namanganda ijtimoiy tarmoqlarda so‘kingan audiosi tarqalgan tuman hokimiga hayfsan berildi
Mahalliy
Turkiyaning TRT kanali Luvr muzeyidan Katta Langar Qur’oni namoyishiga oid reportaj tayyorladi (video)
Mahalliy
Kovidning yangi varianti bolalar va homiladorlarda qanday kechmoqda?