Payme’da Visa Direct: 200 dan ortiq mamlakat va yo‘nalishlarga tezkor pul o‘tkazmalari
Payme ilovasida Visa Direct xizmati yordamida istalgan vaqtda Payme Visa kartalaridan boshqa Visa kartalariga pul o‘tkazmalarini amalga oshirish imkoniyati paydo bo‘ldi.
Ismoil xorijda o‘qiydi, ishlab qo‘shimcha pul ham topadi. Ammo uning topgan puli ba’zan kundalik xarajatlar uchun yetmay qoladi. Ismoilning ota-onasi bir oz pul jo‘natib, yordam bermoqchi bo‘lishadi, lekin uzoqdan buni qilish juda qiyin.
Ko‘pchilik tez-tez boshqa mamlakatlardagi yaqinlariga pul jo‘natish zaruratiga duch keladi. Pul o‘tkazmasi ortiqcha muammoga aylanishi mumkin, ya’ni pul jo‘natuvchi bankka borishi, navbatda turishi va pul qabul qilib olinganligi tasdiqlanishini kutishi kerak. Yoki telefoniga pul o‘tkazish uchun mo‘ljallangan ilovani yuklab olishi ham mumkin, lekin avval u kerakli mamlakatga pul o‘tkazmalarini amalga oshiradimi yoki yo‘qligini bilib olish zarur.
Yaqinlaringizga g‘amxo‘rlik qilish siz o‘ylagandan ko‘ra yengilroq. Payme foydalanuvchilari virtual Payme Visa kartasini ochishlari va kerakli o‘tkazma bo‘yicha qaror qilishlari mumkin.
Visa Direct nima va u qanday ishlaydi
Visa Direct — bu real vaqt rejimida Visa kartalari orasidagi pul o‘tkazmalari xizmatidir. Visa kartalari egalari istalgan vaqtda dunyoning turli mamlakatlariga deyarli bir zumda pul jo‘natishlari va qabul qilib olishlari mumkin. Visa Direct yordamida o‘tkazmalar xavfsiz amalga oshiriladi — karta ma’lumotlari tranzaksiya davomida shifrlanganligi sababli uchinchi tomon resurslarida qolib ketmaydi.
Endilikda Payme foydalanuvchilari ham Visa Direct o‘tkazmalarining afzalliklaridan foydalanishlari mumkin. Buning uchun ilovada virtual Payme Visa kartasini onlayn tarzda ochish kerak bo‘ladi.
Payme Visa Virtual kartasi qanday qilib ochiladi
Payme Visa kartasini ochish uchun hech qayerga borish shart emas. Ilovada bir necha oddiy amallarni bajarish kifoya:
- Ilovada “Visa virtual kartasi” banneriga o‘ting yoki “Mening kartalarim” bo‘limidagi “+” belgisini bosing va Visa ni tanlang;
- “Davom etish” tugmasini bosing va agar siz ilgari o‘tmagan bo‘lsangiz, identifikatsiyadan o‘ting;
- Karta muvaffaqiyatli ochilgani haqida push-xabarnomani kuting.
Visa Direct yordamida qanday qilib pul o‘tkazmasini amalga oshirish mumkin.
Visa kartalariga o‘tkazmalar oddiy kartalardagi kabi amalga oshiriladi. Buning uchun quyidagi harakatlarni bajarish kerak:
- Payme ilovasidagi “Kartadan kartaga pul o‘tkazish” bo‘limiga o‘ting;
- Qabul qiluvchining Visa karta raqamini, uning kartada yozilgan I.F.O. va o‘tkazma summasini kiriting.
O‘tkazmalar uchun komissiya bank tomonidan belgilanadi. Visa Direct orqali pul o‘tkazmalarini amalga oshirish shartlari bilan havolada batafsil tanishishingiz mumkin.
Payme ilovasini iOS va Android uchun yuklab olishingiz mumkin.
Reklama huquqi asosida.
