Payme иловасида Visa Direct хизмати ёрдамида исталган вақтда Payme Visa карталаридан бошқа Visa карталарига пул ўтказмаларини амалга ошириш имконияти пайдо бўлди.
Исмоил хорижда ўқийди, ишлаб қўшимча пул ҳам топади. Аммо унинг топган пули баъзан кундалик харажатлар учун етмай қолади. Исмоилнинг ота-онаси бир оз пул жўнатиб, ёрдам бермоқчи бўлишади, лекин узоқдан буни қилиш жуда қийин.
Кўпчилик тез-тез бошқа мамлакатлардаги яқинларига пул жўнатиш заруратига дуч келади. Пул ўтказмаси ортиқча муаммога айланиши мумкин, яъни пул жўнатувчи банкка бориши, навбатда туриши ва пул қабул қилиб олинганлиги тасдиқланишини кутиши керак. Ёки телефонига пул ўтказиш учун мўлжалланган иловани юклаб олиши ҳам мумкин, лекин аввал у керакли мамлакатга пул ўтказмаларини амалга оширадими ёки йўқлигини билиб олиш зарур.
Яқинларингизга ғамхўрлик қилиш сиз ўйлагандан кўра енгилроқ. Payme фойдаланувчилари виртуал Payme Visa картасини очишлари ва керакли ўтказма бўйича қарор қилишлари мумкин.
Visa Direct нима ва у қандай ишлайди
Visa Direct — бу реал вақт режимида Visa карталари орасидаги пул ўтказмалари хизматидир. Visa карталари эгалари исталган вақтда дунёнинг турли мамлакатларига деярли бир зумда пул жўнатишлари ва қабул қилиб олишлари мумкин. Visa Direct ёрдамида ўтказмалар хавфсиз амалга оширилади — карта маълумотлари транзакция давомида шифрланганлиги сабабли учинчи томон ресурсларида қолиб кетмайди.
Эндиликда Payme фойдаланувчилари ҳам Visa Direct ўтказмаларининг афзалликларидан фойдаланишлари мумкин. Бунинг учун иловада виртуал Payme Visa картасини онлайн тарзда очиш керак бўлади.
Payme Visa Virtual картаси қандай қилиб очилади
Payme Visa картасини очиш учун ҳеч қаерга бориш шарт эмас. Иловада бир неча оддий амалларни бажариш кифоя:
- Иловада «Visa виртуал картаси» баннерига ўтинг ёки «Менинг карталарим» бўлимидаги «+» белгисини босинг ва Visa ни танланг;
- «Давом этиш» тугмасини босинг ва агар сиз илгари ўтмаган бўлсангиз, идентификациядан ўтинг;
- Карта муваффақиятли очилгани ҳақида пуш-хабарномани кутинг.
Visa Direct ёрдамида қандай қилиб пул ўтказмасини амалга ошириш мумкин.
Visa карталарига ўтказмалар оддий карталардаги каби амалга оширилади. Бунинг учун қуйидаги ҳаракатларни бажариш керак:
- Payme иловасидаги «Картадан картага пул ўтказиш» бўлимига ўтинг;
- Қабул қилувчининг Visa карта рақамини, унинг картада ёзилган I.Ф.О. ва ўтказма суммасини киритинг.
Ўтказмалар учун комиссия банк томонидан белгиланади. Visa Direct орқали пул ўтказмаларини амалга ошириш шартлари билан ҳаволада батафсил танишишингиз мумкин.
Payme иловасини iOS ва Android учун юклаб олишингиз мумкин.
Реклама ҳуқуқи асосида.
Изоҳ (0)