27–28-oktabr kunlari Toshkent shahrida Turkiy davlatlar tashkiloti transport vazirlari majlisi bo‘lib o‘tadi. Bu haqda Transport vazirligi xabar qildi.
Qayd etilishicha, tadbirda tashkilotga a’zo davlatlar o‘zaro hamkorlikda xalqaro yuk tashuvlari jarayonlarini rivojlantirish, mintaqa tranzit salohiyatini oshirish, shuningdek, muqobil transport yo‘nalishlarini rivojlantirish bilan bog‘liq masalalarni muhokama qiladi.
Tadbir doirasida Turkiy davlatlar tashkilotiga a’zo davlatlar temiryo‘l ma’muriyatlarining birinchi uchrashuvi hamda TDT a’zo davlatlar portlari rahbarlari beshinchi uchrashuvi o‘tkaziladi.
Yig‘ilish yakunlari bo‘yicha Turkiy davlatlar tashkilotiga a’zo davlatlar o‘rtasida xalqaro aralash yuk tashish to‘g‘risida bitim va transport sohasida o‘zaro bog‘liqlik dasturi kabi hujjatlarning kelishilishi kutilmoqda.
Izoh (0)