Telegram’dagi “Kompromatuzb” kanalida Namangan viloyati hokimi Shavkat Abdurazzoqovning xizmat avtomobilida YTH sodir etilgani, yo‘lovchi urib yuborilgani xabar berildi. “Daryo” xabarga aniqlik kiritish maqsadida viloyat IIB, YHXB axborot xizmati rahbari Erkin Sattorov bilan bog‘landi.
Ha, voqea sodir bo‘lgan. Viloyat hokimligi axborot xizmati voqea haqida batafsil ma’lumot berishini bildirgan. Shu bois biz bu haqda axborot bermadik. Hozir ham sizga voqea tafsilotlarini ochiqlay olmayman, — deydi “Daryo” bilan muloqotda bo‘lgan viloyat Yo‘l harakati xavfsizligi boshqarmasi axborot xizmati rahbari Erkin Sattorov.Mas’ul YTH bugun sodir etilganini inkor etib, voqea ikki-uch kun avval bo‘lganini bildirdi. Shuningdek, Erkin Sattorov jurnalistning “YTHda odam o‘limi qayd etilmaganmi?”, degan savoliga, “yo‘q” deya javob berdi.
“Daryo”ning mazkur masala yuzasidan qilingan so‘roviga javob bergan Shavkat Abdurazzoqovning matbuot kotibi Farhod Mamadaliyev YTHda yo‘lovchiga zarar yetmaganini, ayni paytda u soppa-sog‘ ekanini bildirdi.
Holatdan batafsil xabarim yo‘q. Voqea viloyatning Uychi tumani yo‘lida sodir bo‘lgan. Menga berilgan ma’lumotga ko‘ra, avtomobil yo‘lovchiga sekin urilgan. Shu zahoti haydovchi uni shifoxonaga olib borgan va to‘liq tekshiruvdan o‘tkazgan. Yo‘lovchida hech qanday sinish, chiqish kabi jarohatlar kuzatilmagan. Ayni paytda u soppa-sog‘, — deydi viloyat hokimining matbuot kotibi.Mas’ul jurnalistning yo‘lovchining yoshi, voqea sodir bo‘lgan kun hamda vaqt borasidagi qo‘shimcha savollariga javoban batafsil ma’lumot berishini bildirdi.
Izoh (0)