Shahzoda Uilyam Britaniyadagi qamoqxona egasiga aylandi

Qirolicha Yelizaveta II vafot etganidan keyin qirol Charlz III ning ko‘chmas mulki uning o‘g‘li shahzoda Uilyamga o‘tdi. Shu tariqa shahzoda Prinstaun qishlog‘idagi HMP Dartmur qamoqxonasi egasiga aylandi, deb xabar bermoqda New York Post.

Qamoqxona 1809-yilda ish boshlagan. Muassasa joylashgan bino II darajali meros ro‘yxatiga kiritilgan, u alohida tarixiy yoki me’moriy ahamiyatga ega deb hisoblanadi. Qamoqxona oltita korpusdan iborat.

Ilgari qamoqxonada Britaniyadagi eng xavfli jinoyatchilar, jumladan, qotillar, gangsterlar, qaroqchilar va ayg‘oqchilar saqlangan. Ammo 2002-yilda muassasa uncha og‘ir bo‘lmagan jinoyatlarni sodir etgan mahkumlarga ixtisoslasha boshladi. Endilikda qamoqxonada mahkumlarga ozodlikka chiqqandan keyin ish topish va jamiyatga qayta aralashish uchun zarur ko‘nikmalarni egallash imkoniyati yaratilmoqda.