Меган Маркл Голливуд фильмларини Осиё аёллари ҳақидаги стереотиплар учун танқид қилди

Собиқ актриса ва Сассекс герцогиняси Меган Маркл ўзининг Archetypes подкастининг янги сонида Голливуднинг осиёлик аёллар ҳақидаги стереотипларини муҳокама қилди, деб ёзади «Фильм.ru».

Маркл бунга «Остин Пауэрс» ва «Биллнинг қотили» фильмларининг қаҳрамонларини мисол сифатида келтирди. Унинг сўзларига кўра, ушбу лойиҳаларнинг иккиси ҳам «аждаҳо хоним» деб аталадиган стереотипни мустаҳкамлайди.

«Шарқий осиёлик аёлларнинг сценарийга кўра, ғашга тегадиган ва охир-оқибат ўлимга олиб келадиган васвасага солувчи сирли жозибаси бизнинг поп маданиятимизга кириб келди. Ва осиёлик аёлларнинг бу заҳарли стереотипи титрдан сўнг дарҳол тугамайди», — деб таъкидлайди Маркл.

Ўз навбатида, «Биллнинг қотили» фильмида О-Рен Иши ролини ижро этган актриса Люси Лю ўзининг анти-қаҳрамонини «аждаҳо хоним» деб аташдан бош тортди:

«Фильмда Ишидан ташқари яна учта ёлланма қотил бор. Нега Ума Турман, Дарил Ханна, Вивика А. Фоксни «аждаҳо хоним» деб аташ мумкин эмас? Менимча, бу уларнинг осиёлик бўлмагани билан боғлиқ. Мен эса костюм ва оқ парик кийсам ҳам, этник келиб чиқишим туфайли «аждаҳо хоним» деб аталишим мумкин эди», — дейди Маркл.