Bangladeshda 130 million odam elektr energiyasiz qoldi

Bangladeshda yuz bergan qisman elektr uzilishi mamlakat aholisining qariyb 80 foiziga ta’sir ko‘rsatdi, deb xabar bermoqda Deutsche Welle.

“Bangladesh elektr tarmoqlari ishlamay qoldi, oqibatda mamlakatning 75-80 foiz qismida elektr ta’minoti uzildi”, — dedi Energetikani rivojlantirish kengashi vakili Shamin Hassan.

Elektr ta’minotidagi uzilish Bangladeshning taxminan 168 million aholisidan kamida 130 millioniga ta’sir ko‘rsatgan.

Bangladesh 🇧🇩

Bangladesh's national power grid has collapsed, causing a blackout for 140 million people.#Blackout pic.twitter.com/wduREXT35T

— James Melville (@JamesMelville) October 5, 2022

Hukumat ma’lumotlariga ko‘ra, 4-oktabr kuni mamlakatda elektr energiyasiga bo‘lgan eng yuqori talab prognozdan 3 foizga oshib ketgan.

Elektr uzilishi sababi noma’lumligicha qolmoqda. Texnologiyalar vaziri Zunaid Palakning aytishicha, 22 milliondan ortiq aholiga ega poytaxt Dakkada elektr ta’minoti tiklanadi.

So‘nggi oylarda global tabiiy gaz narxining o‘sishi Bangladeshga qattiq ta’sir ko‘rsatdi. Mamlakatdagi elektr energiyasining deyarli to‘rtdan uch qismi tabiiy gaz yordamida ishlab chiqariladi. Dakka elektr energiyasini tejash uchun muntazam ravishda uni o‘chirib turadi.